“Tartor Wou U̱ Va”—Msen u Ior Umiliôn Imôngo Ve Eren Yô
I lu nahan u er msen wer Tartor u Aôndo u va vee? Ior umiliôn imôngo ndera kimbir mkaanem ma “Tartor wou u va” la, anyom kar uderi imôngo hegen. Mba kimbir mkaanem mara sha ci u nyi? Sha ci u Yesu yange kaa a mbadondon un ér ve sôn Tartor u Aôndo u va.
Sha hiihii la, mbadondon mba Yesu kav hanma kwagh u Yesu ôr ve sha kwagh u Tartor la ga. Yange ve pine Yesu kwagen la ér: “Tere, ka hen shighe ne u lu hiden a tartor u Iserael la her yee?” A shi nan kpa yange a kpiligh ve iyol er Yesu ôr ve shighe shon jighilii ga yô. (Aerenakaa 1: 6, 7) Kwagh la tese ér a tsa kpa se fa kwagh u a lu Tartor u Aôndo man shighe u ua va la gaa? Se fa yum!
Ngeren u Iyoukura ne una wase u u zuan a mbamlumun sha mbampin mba ve dondo mban:
Kwagh gba se a Tartor u Aôndo sha ci u nyi?
Ka an nan lu Tor u Tartor u Aôndo?
Ka hanma shighe Tartor u Aôndo ua hemen shin tara?
Ka nyi Tartor u Aôndo ua va ere?
Gba u u tsua u suen Tartor u Aôndo la hegen sha ci u nyi?
Ka nyi i lu Tartor u Aôndo?
Kwagh Ugen u Alaghga Shi Una Doo U Yô
IYOUKURA
Er Nan Ser Eren Msen Ser Tartor u Aôndo U Va?
Tartor ua er nyi i ma gomoti u uumace môm una fatyô ga?
ATESEN A BIBILO A HANGE HANGE
Ka Nyi I Lu Tartor u Aôndo?
Yesu yange hemban tesen ior kwagh u Tartor u Aôndo shighe u lu eren tom na la. Mbadondon un ndera eren msen sônon ér Tartor la u va anyom kar hegen uderi imôngo.
