‘Kura Ishima You!’
‘Kura Ishima You!’
Mkohol U Vesen U Mbashiada Mba Yehova
ITINEKWAGH I SHA IYANGE I TOMATAAN
‘Yehova yô, Nengen ken Ishima’—1 SAMUEL 16:7.
ITINEKWAGH I SHA IYANGE I SATI
“Ka sha M-iv u ken Ishima man Zwa U Er Kwagh Ye”—MATEU 12:34.
ITINEKWAGH I SHA IYANGE I LAHADI
‘Civir Yehova a Ishima i Môm’—1 KRONIKU 28:9.
Bibilo ter ishember i ishima la nôngo u kuman kwa dubu môm. Ashighe kpishi Ruamabera ka una ôron kwagh u ishember la yô, i lu ishima i iyol i inyam man awambe ne ga, kpa ka i lu ishima i sha injakwagh la. Ishima i sha injakwagh la ka nyi? Ishember ne ngi ôron kwagh u mlu wase u ken atô la, inja na yô, ka mhen man mnenge u or kua asaren a nan je la.
Gba u se kura ishima yase i sha injakwagh la sha ci u nyi? Aôndo yange mgbegha Tor Solomon nger ér: “Hemba kuran ishima you a akaa a u kor a cii, gadia ka ken i uma a dugh ye.” (Anzaakaa 4:23) Mlu u uma wase u hegen man ishimaverenkeghen i se lu a mi i va lun uma ken hemen la cii har sha mlu u ishima yase i sha injakwagh la. Sha ci u nyi? Sha ci u Aôndo nengen kwagh u a lu se ken ishima la. (1 Samuel 16:7) Ka imbaor i se lu ken atô, “or u ken myer u ken ishima” la una tese er Aôndo a nengen se la ye.—1 Peteru 3:4.
Se kura ishima yase nena? A time sha mlumun u sha mpin ne tsembelee sha mbamkohol mba vesen mba Mbashiada mba Yehova vea lu eren sha tar cii ken mhii u uwer ne la. Se mba lôhôn we ser za mkohol ne sha ayange a atar la cii. * Kwagh u ú hen la una wase u u̱ eren kwagh u una na a saan Yehova Aôndo iyol yô.—Anzaakaa 27:11.
[Ngeren u shin kpe]
^ Aluer u soo u fan pe a lu eren mkohol u vesen ikyua a we yô, za hen ijiir yase i sha Intanet i www.ps8318.com la. Shi u fatyô u pinen Mbashiada mba Yehova mba hen ijiir you la, shin ngeren mba ve gberen magazin ne la.
[Ape i zough a foto ne yô u shaa peeji 32]
Foto u ken iyan la ka: Aus dem Fundus der MÜNCHNER OLYMPIAPARK GMBH, München
