Ехованың Шаятларының йөрите мекдеплери бар. Бу мекдеплерде Худая долы вагтлы гуллук эдйән вагызчылара «гуллугыны биркемсиз ерине етирип» билмеги үчин тәлим берилйәр (2 Тимотеос 4:5, ТД).

Пионерлер мекдеби. Бир йыл гуллук эден умумы пионер ерли Патышалык залында гечирилҗек алты гүнлүк мекдебе чагырыляр. Бу мекдебиң максады пионерлере Ехова билен достлугыны беркитмәге, вагыз гуллугының әхли гөрнүшлеринде өкделешмәге ве вепалы гуллук этмәге көмек этмекдир.

Хош хабарчылар мекдеби. Бу ики айлык мекдеп өйүнден ве доган-гарындашларындан айра дүшүп, вагызчыларың етмейән еринде гуллук этмәге тайын теҗрибели пионерлере тәлим бермек үчин ниетленендир. Бу пионерлер бейик Хош Хабарчы Иса Месихиң гөрелдесине эерип: «Ине, мен; мени ибер!» диййәрлер (Ишая 6:8; Яхя 7:29). Олар гөчүп барян ерлериниң яшайыш шертлерине, медениетине, ховасына ве иймитине өвренишмели болярлар. Шейле-де олар ерли халкың дилини өвренйәрлер. Хош хабарчыларың мекдеби 23—65 яш аралыгындакы дурмуш гуран ве гурмадык доган-уялара гуллугыны биркемсиз ерине етирип билер ялы Худая ярамлы хәсиетлери өсдүрмәге ве Ехованың гурамасында дүрли ёллар билен гуллук этмек үчин укыпларыны артдырмага көмек эдйәр.

Гилеад мекдеби. «Гилеад» диен еврей сөзи «шаятлар үйшмеги» диймеги аңладяр. Бу мекдеп 1943-нҗи йылда ачылды. Шондан бәри, Гилеад мекдебинде окан 8 мүңден говрак миссионерлер «ериң уҗуна ченли» үстүнликли вагыз эдйәрлер (Ресулларың ишлери 13:47). Миссионерлер Перу юрдуна баранларында екеҗе йыгнак хем ёкды. Инди болса ол ерде мүңден говрак йыгнак бар. Гилеад мекдебини гутаран вагызчылар Японияда гуллук эдип башланларында ол ердәки Шаятларың саны 10 мүңе хем етмейәрди. Хәзир болса ол ерде 200 мүңден говрак вагызчы бар. Гилеад мекдебинде Ехованың Шаятлары бәш айың довамында Мукаддес Язгылары чуңңур өвренйәрлер. Бу мекдебиң максады — бүтин дүнйәдәки йыгнаклары ве филиаллары беркитмәге көмек этмек. Муңа йөрите пионерлер, миссионерлер, этрап гөзегчилери я-да филиалларда гуллук эдйән доган-уялар окамага чагырыляр.

• Пионерлер мекдеби нәме үчин гечирилйәр?

• Хош хабарчыларың мекдебине кимлер чагырыляр?