Тимотеос яш болса-да, адамлара көмек этмекден шатлык тапярды. Ол адамлара көмек этмек үчин көп ерлере гитди. Шол себәпли онуң дурмушы өрән гызыклы гечйәрди. Сен ол барада билесиң гелйәрми? ~

Тимотеос Листра атлы шәхерде улаляр. Ол огланҗыкка, онуң мамасы Лоис билен эҗеси Эвники оңа Ехова барада өвредйәрлер. Тимотеос улаланда адамлара Ехова барада билмәге көмек эдеси гелйәрди.

Тимотеос яш огланка, Павлус оңа өзи билен башга ерлере гидип вагыз этмеги теклип эдйәр. Тимотеос оңа: «Боляр!» дийип җогап берйәр. Себәби ол адамлара хөвес билен көмек эдеси гелйәрди.

 Тимотеос Павлус билен Грецияның Селаник атлы шәхерине гидйәр. Олар шол ере бармак үчин узак ёл йөрәп, соңра гәмә мүнйәрлер. Олар шол ере баранда, көп адамлара Ехова барада билмәге көмек этдилер. Эмма кәбир адамлар гахарланып, олара яманлык этҗек болдулар. Шол себәпли Павлус билен Тимотеос ол ерден гидип, башга ерлерде вагыз этдилер.

Бирнәче ай геченсоң, Павлус Тимотеоса ене-де Селаниге гидип, доганларымызың хал-ягдайыны соралы диййәр. Бу ховплы шәхере гитмек үчин олара батыргайлык герекди! Тимотеос доганлары хакда алада эдйәндиги үчин шол шәхере гидйәр. Ол Павлусың янына доланып геленде, оңа Селаникдәки доганларың хал-ягдайының өрән говудыгыны айдяр!

Тимотеос Павлус билен көп йыллап ишлешйәр. Павлус ресул бир хатында иң говы ёлдашы Тимотеосы йыгнаклара көмек этмек үчин иберендиги барада язяр. Тимотеос Ехованы ве адамлары сөййәрди.

Сен хем адамлары сөйүп, олара Ехова барада билмәге көмек эдесиң гелйәрми? ~ Эгер сен адамлара көмек этсең, Тимотеос ялы бегенерсиң ве дурмушың гызыклы болар!