LEHONA 13
Na Fia Fehoahoani ia Timoteo ki na Tino
Ko Timoteo ko he taumalo na fiafia ke fehoahoani ki iētahi tino. Na malaga ia ki te lahi o nā nofoaga ke fehoahoani ki iētahi. Ona ko te mea tēnei, na matuā fiafia ai tona olaga. E fia fakalogo koe ki ei?—
Timothy’s mother and grandmother taught him about Jehovah Na akoako ia Timoteo e tona matua ma te matua o tona matua fakatatau ki a Ieova
Na ola mai Timoteo i te kakai o Luha. I te taimi nae koi tamaiti ai, ko te mātua o tona mātua ko Loihe, ko tona mātua ko Eunike, na kamata oi akoako ia e uiga ki a Ieova. I te tuputupu ake o Timoteo, na fofou ia ke fehoahoani ki iētahi tino ke iloa ia Ieova.
I te taimi na taumalo ai ia Timoteo, na lea ia Paulo ki a te ia ke malaga ma ia ke tālaki ki iētahi kogāfenua. Ko Timoteo na lea: ‘Io!’ Kua hauni ia ke fano fehoahoani ki iētahi.
Na malaga ia Timoteo ma Paulo ki te kakai i Maketonia e takua ko Tehalonika. Ke pa ki ei, na loa te lā havaliga ma puke he vaka. I te lā pa atu, ma fehoahoani atu ki te tokalahiga ke iloa ia Ieova. Kae na feita iētahi ma fia kini ki lāua. Tēia na olo kehe ai ia Paulo ma Timoteo ma tālaki i iētahi kogāfenua.
Na maua e Timoteo he olaga fiafia ma te fakamaliegia
I ni mahina mulimuli ake, na fehili ia Paulo ki a Timoteo ke toe foki ki Tehalonika ke iloa te tulaga o nā uho. Na manakomia te lotomakeke ke toe foki ki te kakai matakutia! Kae na fano ia Timoteo auā nae manatu ki nā uho i ki nā. Na toe foki ma ni tala lelei mo Paulo. Nae manuia lele nā uho i Tehalonika.
Na galue ia Timoteo ma Paulo i te lahi o nā tauhaga. Na tuhi ia Paulo ko Timoteo ko te tino lelei e ko uga atu ke fehoahoani ki nā fakapotopotoga. Na alofa ia Timoteo ki a Ieova ma nā tino.
E alofa koe ki nā tino ma fia fehoahoani ke iloa e ki latou ia Ieova?— Kāfai e vēia koe, e mafai oi maua e koe he olaga fiafia, e tutuha ma Timoteo!
