HULYO 15, 2024
RUSSIA
Brother Yevgeniy Sokolov, Hinatulang May-sala sa Ikalawang Kasong Kriminal
Noong Mayo 29, 2024, hinatulan ng Zeyskiy District Court of the Amur Region si Brother Yevgeniy Sokolov ng tatlong-taóng suspended prison sentence. Hindi siya makukulong sa ngayon.
Ito ang ikalawang kasong kriminal laban kay Yevgeniy. Sa unang kaso, may kasama siyang siyam na iba pang brother, at kasalukuyan itong inaasikaso sa lunsod ng Voronezh, kung saan nakatira ngayon si Yevgeniy.
Ganito ang sinabi ni Yevgeniy kung ano ang nakatulong sa kaniya na magtiis: “Natutuhan kong magtiwala at lubusang umasa kay Jehova. Alam kong mas mahusay na malulutas ni Jehova ang anumang problema kaysa sa akin. Ang paraan niya ang pinakamagaling.”
Gaya ni Yevgeniy, patuloy sana nating sabihin kay Jehova: “Ikaw ang kanlungan ko,” na nagtitiwalang lagi niyang ilalaan ang tulong na kailangan natin.—Awit 142:5.
Time Line
Disyembre 15, 2022
Sinampahan ng kasong kriminal si Yevgeniy sa ikalawang pagkakataon nang hindi niya alam
Setyembre 22, 2023
Nalaman ni Yevgeniy ang ikalawang kasong kriminal laban sa kaniya. Pinagtatanong at inakusahan na “naghahanda at nagdaraos ng relihiyosong mga miting”
Abril 22, 2024
Nagsimula ang paglilitis
Mayo 29, 2024
Nahatulan ng tatlong-taóng suspended prison sentence
Tingnan Din
NEWS RELEASE
Nakabilanggo Dahil sa Kanilang Pananampalataya—Russia
Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.