Diane 17:1-28
17 Thathana ya senkgwe se se omeletseng e botoka kwa go nang le kagiso* gone+Go na le ntlo e e tletseng dijo tsa mokete* mme e na le dikomano.+
2 Motlhanka yo o nang le temogo o tla laola morwa wa mong wa gagwe yo o itshwarang ka tsela e e tlhabisang ditlhong;O tla abelwa boswa jaaka mongwe wa barwa ba mong wa gagwe.
3 Selefera e itshekisiwa mo pitseng e bile gauta e itshekisiwa mo molelong o mogolo,+Mme Jehofa ke motlhatlhobi wa dipelo.+
4 Motho yo o bosula o reetsa puo e e utlwisang botlhoko,E bile motho yo o tsietsang o reetsa loleme lo lo senyang batho maina.+
5 Ope fela yo o sotlang mohumanegi o tlhapatsa Modiri wa gagwe,+E bile ope fela yo o itumelang fa yo mongwe a wetswe ke masetlapelo ga a kitla a tlogelwa a sa otlhaiwa.+
6 Ditlogolwana* di tshwana le serwalo mo batsofeng,Mme bana* ba nna le leina le lentle ka ntlha ya borraabone.*
7 Puo e e tlhamaletseng* ga e tshwanele seeleele.+
Ka tsela e e tshwanang, puo ya maaka ga e tshwanele mmusi.*+
8 Mpho e tshwana le leje le le tlhwatlhwakgolo* mo go mong wa yone;+Gongwe le gongwe kwa a yang gone, e dira gore a atlege.+
9 Ope fela yo o itshwarelang* maleo a yo mongwe o bontsha gore o a mo rata,+Mme motho yo o nnelang go bua ka kgang eo o kgaoganya ditsala tse di atamalaneng.+
10 Motho yo o nang le tlhaloganyo o solegelwa molemo thata ke kgalemelo+Go na le sematla se se itewang makgetlo a le lekgolo.+
11 Motho yo o bosula o batla botlhanogi fela,Mme morongwa yo o setlhogo o tla romelwa gore a mo otlhaye.+
12 Go botoka go kopana le bera e e amogilweng bana ba yoneGo na le go kopana le motho yo o sematla a dira bomatla.+
13 Fa ope fela a duela molemo ka bosula,Bosula ga bo kitla bo tswa mo ntlong ya gagwe.+
14 Go simolola dikgotlhang go tshwana le go bulela dikgoro tsa morwalela;*Pele ga komano e tsoga, tswa o tsamaye.+
15 Ope fela yo o gololang modirabosula le ope fela yo o kgalang mosiami,+Boobabedi ba makgapha mo go Jehofa.
16 Go thusa ka eng go bo sematla se na le ditshono tsa go nna le botlhaleMme sone se sa batle go nna le jone?*+
17 Tsala ya boammaaruri e lorato ka dinako tsotlhe+E bile ke morwarramotho yo o ka ikaegang ka ene ka* dinako tsa matshwenyego.+
18 Motho yo o seng botlhale o dira tumalano a bo a ipofaFa pele ga moagelani wa gagwe gore o tla duela melato ya ba bangwe.+
19 Motho yo o ratang dikgogakgogano, o tla leofa.+
Motho yo o nnang a ikgantsha* o ipakela mathata.+
20 Motho yo o pelo e sokameng ga a kitla a atlega,*+E bile motho yo o buang tsietso o tla wela mo tshenyegong.
21 Rre ope fela yo o nang le ngwana yo o sematla o tla hutsafala;E bile rraagwe ngwana yo o se nang tlhaloganyo ga a na boitumelo.+
22 Pelo e e itumetseng ke kalafi e e molemo,*+Mme moya o o hutsafetseng o fetsa motho maatla.*+
23 Motho yo o bosula o tla tsaya pipamolomo mo sephiring*Gore a sokamise tsela ya tshiamiso.+
24 Botlhale bo fa pele ga motho yo o nang le temogo,Mme matlho a dimatla a kgarakgatshegela kwa dikhutlong tsa lefatshe.+
25 Morwa yo o sematla o tlisetsa rraagwe khutsafaloE bile o tlisetsa mmaagwe kutlobotlhoko.*+
26 Go otlhaya* mosiami ga go a siama,E bile go itaya batho ba ba tlotlegang ga go tsamaisane le se se siameng.
27 Motho yo o nang le kitso o thiba mafoko a gagwe,+E bile motho yo o nang le temogo o tla nna a ritibetse.*+
28 Tota le seeleele fa se didimala se tla tsewa se le botlhale,E bile motho yo o tswalang molomo wa gagwe o tla tsewa a na le temogo.
Dintlha Tse di Kwa Tlase
^ Seheb., “ditlhabelo.”
^ Kgotsa “tidimalo.”
^ Kgotsa “Bana ba bana.”
^ Kgotsa “barwa.”
^ Kgotsa “batsadi.”
^ Kgotsa “motlotlegi.”
^ Kgotsa “e e siameng.”
^ Kgotsa “ke leje le le tlisang kamogelo.”
^ Seheb., “yo o bipang.”
^ Kgotsa “go tshwana le go bulela letamo.” Seheb., “go bulela metsi.”
^ Kgotsa “Mme sone se se botlhale?”
^ Kgotsa “yo o tsholetsweng.”
^ Kgotsa “Ope fela yo o agang kgoro e e kwa godimo.”
^ Seheb., “a bona molemo.”
^ Kgotsa “e molemo mo go fodiseng.”
^ Kgotsa “o omisa marapo.”
^ Seheb., “pipamolomo e e tswang mo sehubeng.”
^ Seheb., “bogalaka.”
^ Kgotsa “duedisa.”
^ Seheb., “o tla nna le moya o o iketlileng.”
