Dipesalema 144:1-15
Pesalema ya ga Dafide.
144 E kete Jehofa, yo e leng Lefika la me,+ a ka bakwa,Yo o katisetsang diatla tsa me tlhabano,Yo o katisetsang menwana ya me ntwa.+
2 Ke ene lorato lwa me lo lo sa kgaotseng le kago ya me e e thata,Lefelo la me la botshabelo le le sireletsegileng* le mofalotsi wa me,Thebe ya me le Yo ke tshabetseng mo go ene,+Ene yo o fenyang ditšhaba gore ke di laole.+
3 Jehofa, tota motho ke eng gore o ka mo tsaya tsia,Morwa motho ke eng gore o ka mo tlhokomela?+
4 Motho o tshwana fela le mohemo;+Malatsi a gagwe a tshwana le moriti o o fetang.+
5 Ao tlhe Jehofa, isa* magodimo a gago kwa tlase mme o fologe;+Kgoma dithaba mme o dire gore di kue mosi.+
6 Dira gore legadima le benye mme o gasamise baba ba me;+Hula metswi ya gago mme o ba tlhakatlhakanye.+
7 Otlolola diatla tsa gago o le kwa godimo;Nkgolole mo metsing a a gogomogang mme o mpoloke,Nkgolole mo seatleng sa batswakwa,+
8 Ba melomo ya bone e buang maakaLe ba ba tsholetsang seatla sa bone sa moja gore ba ikanele maaka.*
9 Wena Modimo, ke tla go opelela pina e ntšha.+
Ke tla go opelela dipako* ke letsa seletswa sa megala e e lesome,
10 Ke opelela Ene yo o nayang dikgosi phenyo,*+Ene yo o gololang motlhanka wa gagwe e bong Dafide gore batho ba se ka ba mmolaya ka tšhaka.+
11 Nkgolole o bo o mphalotse mo seatleng sa batswakwa,Ba melomo ya bone e buang maakaLe ba ba tsholetsang seatla sa bone sa moja gore ba ikanele maaka.
12 Foo bomorwaarona ba tla tshwana le dijalo tse dinnye tse di golang ka bonako,Bomorwadiarona ba tla tshwana le dipilara tsa dikhona tse di diretsweng ntlo ya segosi.
13 Mabolokelo a rona a tla penologa ka thobo ya mefuta yotlhe;Matsomane a rona a a mo masimong a rona a tla ntsifala thata mo a ka se kang a kgona go balwa.
14 Dikgomo tsa rona tse di dusang ga di kitla di phatloga popelo kgotsa di folotsa;Ga go kitla go nna le selelo mo dipatlelong tsa rona ka ntlha ya matshwenyego.
15 Go itumela setšhaba se se diragalelwang ke dilo tseno!
Go itumela setšhaba se Modimo wa sone e leng Jehofa!+
Dintlha Tse di Kwa Tlase
^ Kgotsa “Kago ya me e e sireletsegileng.”
^ Kgotsa “oba.”
^ Seheb., “Le ba seatla sa bone sa moja e leng seatla sa moja sa maaka.”
^ Kgotsa “leletsa mmino.”
^ Kgotsa “poloko.”
