Dipesalema 146:1-10
146 Bakang Jah!*+
Mma ke bake Jehofa ka pelo ya me yotlhe.+
2 Ke tla baka Jehofa botshelo jwa me jotlhe.
Ke tla opelela* Modimo wa me dipako fa fela ke sa ntse ke tshela.
3 O se ka wa ikanya dikgosana*Kgotsa morwa motho, yo a ka se kang a kgona go go boloka.+
4 Fa a kgaotsa go hema, o boela mo mmung;+Mo go lone letsatsi leo, dikakanyo tsa gagwe di a nyelela.+
5 Go itumela motho yo Modimo wa ga Jakobe e leng mothusi wa gagwe,+Yo o solofetseng mo go Jehofa, Modimo wa gagwe,+
6 Modiri wa legodimo le lefatshe,Wa lewatle, le wa dilo tsotlhe tse di mo go tsone,+Ene yo o ikanyegang ka metlha,+
7 Ene yo o tlhomamisang gore ba ba tsieditsweng ba direlwa tshiamiso,Ene yo o nayang ba ba tshwerweng ke tlala senkgwe.+
Jehofa o golola magolegwa.*+
8 Jehofa o bula matlho a difofu;+Jehofa o tsholetsa ba ba hutsafetseng;+Jehofa o rata basiami.
9 Jehofa o sireletsa batswakwa;O tlamela khutsana* le motlholagadi,+Le fa go ntse jalo, o kgoreletsa maano a batho ba ba bosula.*+
10 Jehofa o tla nna Kgosi ka bosakhutleng,+Wena Siona, Modimo wa gago o tla nna Kgosi kokomana morago ga kokomana.
Bakang Jah!*
Dintlha Tse di Kwa Tlase
^ Kgotsa “Halelujah!” “Jah” ke khutshwafatso ya leina Jehofa.
^ Kgotsa “letsa mmino.”
^ Kgotsa “batlotlegi.”
^ Seheb., “ba ba golegilweng.”
^ Seheb., “ngwana yo o se nang rre.”
^ Kgotsa “o sokamisa tsela ya batho ba ba bosula.”
^ Kgotsa “Halelujah!” “Jah” ke khutshwafatso ya leina Jehofa.
