Dipesalema 19:1-14
Go Mokaedi. Pina ya ga Dafide.
19 Magodimo a bolela kgalalelo ya Modimo;+Loapi lo itsise tiro ya diatla tsa gagwe.+
2 Letsatsi le letsatsi go utlwala se a se buang,E bile bosigo bongwe le bongwe o senola kitso.
3 Magodimo ga a bue sepe, e bile ga go na mafoko ape;Lentswe la one ga le utlwiwe.
4 Le fa go ntse jalo, molaetsa wa one o utlwala* mo lefatsheng lotlhe,E bile o utlwala le kwa mafelong a a kgakalakgakala.+
O tlhometse letsatsi tente kwa magodimong;
5 Le tshwana le monyadi fa a tswa mo ntlwaneng ya gagwe ya lenyalo;Le itumela jaaka monna yo o nonofileng yo o sianang mo tseleng.
6 Le tlhaba kwa ntlheng e nngwe ya magodimo,Le bo le dikologa le ya kwa ntlheng e nngwe ya one;+Mme ga go na sepe se mogote wa lone o sa fitlheng kwa go sone.
7 Molao wa ga Jehofa o itekanetse,+ o dira gore motho a nne le maatla gape.+
Kgakololo ya ga Jehofa e a ikanyega,+ e tlhalefisa yo o se nang maitemogelo.+
8 Melao e e tswang kwa go Jehofa e siame, e itumedisa pelo;+Ditaelo tsa ga Jehofa di phepa, di phatsimisa matlho.+
9 Go boifa Jehofa+ go itshekile, go nna ka bosakhutleng.
Dikatlholo tsa ga Jehofa di boammaaruri, tsotlhe fela di siame.+
10 Di eletsega go gaisa gauta,Go gaisa gauta e e sa tswakanngwang,*+E bile di botshe go gaisa tswina ya dinotshe,+ tswina e e elelang mo mamepeng.
11 Motlhanka wa gago o tlhagisitswe ke tsone;+Go di boloka go na le maduo a magolo.+
12 Ke mang yo o ka lemogang diphoso?+
Phimola molato wa maleo a ke a dirang ke sa lemoge.
13 Mme o nthibele nna motlhanka wa gago gore ke se ka ka dira ditiro tsa boikgodiso;+O se ka wa di letla gore di ntaole.+
Foo ke tla bo ke feletse,+E bile ke tla bo ke se na molato wa maleo a a masisi.*
14 E kete mafoko a me le dilo tse ke di akanyetsang kwa tengDi ka go itumedisa+ Jehofa, Lefika+ la me le Mogolodi+ wa me.
Dintlha Tse di Kwa Tlase
^ Kgotsa gongwe “mogala o o lekanyang o tswetse.”
^ Kgotsa “e e itshekisitsweng.”
^ Kgotsa “ditlolo tse dikgolo.”
