Dipesalema 99:1-9
99 Jehofa ke Kgosi.+ A ditšhaba di rorome.
O ntse fa godimo* ga ditšheruba.+ A lefatshe le reketle.
2 Jehofa o mogolo mo Siona,E bile o kwa godimo, o okametse ditšhaba tsotlhe.+
3 A ba bake leina la gago le legolo,+Gonne le a boitshega e bile le boitshepo.
4 Ke kgosi e e maatla e e ratang tshiamiso.+
O tlhomamisa gore go dirwa se se siameng ka metlha.
O tlisitse tshiamiso le tshiamo+ mo go Jakobe.
5 Tlotlomatsang Jehofa,+ Modimo wa rona mme lo ikobe* fa sebeong sa gagwe sa dinao;+O boitshepo.+
6 Moshe le Arone e ne e le bangwe ba baperesiti ba gagwe,+Mme Samuele e ne e le mongwe wa ba ba bitsang leina la gagwe.+
Ba ne ba tle ba goele kwa go Jehofa,Mme o ne a tle a ba arabe.+
7 O ne a tle a bue le bone go tswa mo pilareng ya leru.+
Ba ne ba boloka dikgakololo tsa gagwe le molao o a neng a ba o neile.+
8 O ne o ba araba wena Jehofa, Modimo wa rona.+
O Modimo yo o neng a ba itshwarela,+Le fa go ntse jalo, o ne o ba otlhaela* maleo a bone.+
9 Tlotlomatsang Jehofa, Modimo wa rona+Mme lo ikobe* fa pele ga thaba ya gagwe e e boitshepo,+Gonne Jehofa, Modimo wa rona o boitshepo.+
Dintlha Tse di Kwa Tlase
^ Kgotsa gongwe “fa gare.”
^ Kgotsa “obamele.”
^ Seheb., “o ne o diragatsa pusoloso kgatlhanong le.”
^ Kgotsa “obamele.”
