Jeremia 30:1-24
-
Ba solofediwa gore ba tla boela kwa lefatsheng la bone ba bo ba fodisiwa (1-24)
30 Leno ke lefoko le le neng la tla mo go Jeremia le tswa kwa go Jehofa:
2 “Jehofa, Modimo wa Iseraele a re, ‘Kwala mafoko otlhe a ke a buang le wena mo bukeng.
3 Gonne “metlha e etla,” go bua Jehofa, “e ke tla phuthang batho ba me ba ba isitsweng botshwarwa ka yone, ba Iseraele le ba Juda,”+ go bua Jehofa, “mme ke tla ba busetsa kwa lefatsheng le ke neng ka le naya borraabonemogolo, mme ba tla nna mo go lone gape.”’”+
4 Ano ke mafoko a Jehofa a neng a a bua le Iseraele le Juda.
5 Seno ke se Jehofa a se buang:
“Re utlwile modumo wa thoromo;Go na le poifo, mme e seng kagiso.
6 Tsweetswee, botsang gore a monna o kgona go belega.
Jaanong ke ka ntlha yang fa ke bona monna mongwe le mongwe yo o maatla a beile diatla tsa gagwe mo mpeng*Jaaka mosadi yo o belegang?+
Ke ka ntlha yang fa difatlhego tsotlhe di setlhafetse?
7 Ijoo! Ruri letsatsi leo ke le le boifisang!*+
Ga go na lepe le le tshwanang le lone,Ke nako ya matshwenyego mo go Jakobe.
Le fa go ntse jalo, o tla gololwa mo go lone.”
8 “Mme mo letsatsing leo,” go bua Jehofa wa masomosomo, “ke tla robaganya jokwe mo molaleng wa gago, e bile ke tla kgaola dikgole* tse o bofilweng ka tsone sebedi; mme batswakwa ga ba kitla ba tlhola ba mo* dira motlhanka wa bone.
9 Ba tla direla Jehofa, Modimo wa bone le Dafide kgosi ya bone, yo ke tla mo ba tlhomelang.”+
10 “Mme wena Jakobe motlhanka wa me, o se ka wa boifa,” go bua Jehofa,“E bile o se ka wa tshoga, wena Iseraele.+
Gonne ke tla go golola go tswa kgakalaLe bana ba gago go tswa kwa lefatsheng le ba neng ba isitswe botshwarwa kwa go lone.+
Jakobe o tla boa mme o tla nna a ritibetse e bile a sa tshwenngwe ke sepe,Go se na ope yo o ba tshosang.”+
11 “Gonne ke na le wena, gore ke go boloke,” go bua Jehofa.
“Mme ke tla fedisa ditšhaba tsotlhe tse ke go gasamiseditseng kwa go tsone;+Le fa go ntse jalo, wena ga nkitla ke go fedisa.+
Ke tla go otlhaya ka selekanyo se se tshwanetseng,Mme ga nkitla ke go tlogela o sa otlhaiwa.”+
12 Gonne seno ke se Jehofa a se buang:
“Go robega ga gago ga go na kalafi.+
Ntho ya gago ga e fole.
13 Ga go na ope yo o ka go buelelang,Ga go na sepe se se ka fodisang lethopa* la gago.
Ga o ka ke wa bona kalafi epe.
14 Botlhe ba ba go ratang thata ba go lebetse.+
Ga ba tlhole ba go batla.
Gonne ke go iteile jaaka e kete o iteilwe ke mmaba,+Ke go otlhaile jaaka e kete o otlhailwe ke mongwe yo o setlhogo,Ka ntlha ya molato wa gago o mogolo le maleo a gago a mantsi.+
15 Ke ka ntlha yang fa o goa ka gonne o robegile?
Setlhabi sa gago ga se alafesege!
Ke go dirile jalo
Ka ntlha ya molato wa gago o mogolo le maleo a gago a mantsi.+
16 Ka jalo, botlhe ba ba go kometsang ba tla komediwa,+E bile baba ba gago botlhe le bone ba tla isiwa botshwarwa.+
Ba ba go kgothosang ba tla kgothosiwa,E bile ke tla dira gore botlhe ba ba go gapelang ba gapelwe.”+
17 “Le fa go ntse jalo, ke tla go fodisa e bile ke tla alafa dintho tsa gago,”+ go bua Jehofa,“Le fa gone ba ne ba go bitsa yo o latlhilweng ba re:
‘Siona, yo go se nang ope yo o mmatlang.’ ”+
18 Seno ke se Jehofa a se buang:
“Jaanong ke phutha batshwarwa ba ditente tsa ga Jakobe,+E bile ke tla tlhomogela metlaagana ya gagwe pelo.
Motse o tla agiwa sesha mo thotaneng ya one,+Le tora e e sireletsegileng e tla agiwa mo lefelong la yone le le tshwanetseng.
19 Mme ba tla ntsha ditebogo e bile go tla utlwala modumo wa setshego.+
Ke tla ba ntsifatsa, mme ga ba kitla ba nna mmalwa;+Ke tla dira gore ba nne bantsi,*Mme ga ba kitla ba nna bannye ka palo.+
20 Barwa ba gagwe ba tla nna jaaka mo nakong e e fetileng,E bile ke tla nonotsha phuthego ya gagwe fa pele ga me.+
Ke tla otlhaya botlhe ba ba mo gatelelang.+
21 Yo o maatla wa gagwe e tla nna mongwe yo o tswang mo go ene,E bile mmusi wa gagwe o tla tswa mo ditlogolwaneng tsa gagwe.
Ke tla dira gore a atamele, mme o tla nkatamela.”
“Gonne kwantle ga gagwe, ke mang yo o ka lekang* go nkatamela?” go bua Jehofa.
22 “Lo tla nna batho ba me,+ mme nna ke tla nna Modimo wa lona.”+
23 Setsuatsue sa ga Jehofa se bolotse, eleruri bogale jwa gagwe bo bolotse jaaka setsuatsue,+E leng sefefo se se tsamayang se gogola, se se welang mo ditlhogong tsa badirabosula.
24 Bogale jwa ga Jehofa jo bo tukang ga bo kitla bo boela moragoGo fitlha a diragatsa a bo a fitlhelela maikaelelo a gagwe.+
Lo tla tlhaloganya seno go ela kwa bokhutlong jwa metlha.+
Dintlha Tse di Kwa Tlase
^ Kgotsa “mo lothekeng.”
^ Seheb., “le legolo.”
^ Seheb., “dibofo.”
^ Kgotsa “ba.”
^ Kgotsa “sekaku; tlhagala.”
^ Kgotsa gongwe “ba tlotliwe.”
^ Seheb., “yo o ka ntshang pelo ya gagwe e le peeletso gore a.”
