NNANG LO DISITSE!
Boradipolotiki Ba re Go Tla Runya Ntwa ya Aramagedona—Baebele e a Reng ka Gone?
Ka Mantaga wa di10 tsa October 2022, masole a Russia a ile a latlhela dibomo mo ditoropong di le mmalwa tsa Ukraine ka gonne ba ipusolosetsa ka ntlha ya se se diragetseng malatsi a le mabedi a a fetileng fa borogo jo bo tswang kwa Crimea bo ya kwa Russia bo sena go senngwa ka bomo. Ditiragalo tseno di ne tsa diragala morago ga gore boradipolotiki bangwe ba tlhagise batho ka ntwa ya Aramagedona.
“Ga go ise go nne le sengwe se se tshwanang le ntwa ya Aramagedona fa e sa le ka nako ya ga [Moporesidente wa U.S. e bong John F.] Kennedy le Cuban Missile Crisis. . . . Ga ke akanye gore go a kgonega go dirisa dibomo tsa nuklea go bo go sa nne le ntwa ya Aramagedona.”—Moporesidente wa U.S. e bong Joe Biden, October 6, 2022.
“Ke a dumalana gore go tlile go nna le Aramagedona mme lefatshe lotlhe le mo kotsing.”—Moporesidente wa Ukraine e bong Volodymyr Zelensky, fa a ne a bodiwa ka ditlamorago tsa go dirisa dibomo tsa nuklea, BBC News, October 8, 2022..
A go dirisiwa ga dibomo tsa nuklea go tla dira gore go nne le ntwa ya Aramagedona? Baebele e a reng ka seno?
A dibomo tsa nuklea di tla dira gore go nne le ntwa ya Aramagedona?
Nnyaa. Lefoko “Aramagedona” le fitlhelwa gangwe fela mo Baebeleng mo go Tshenolo 16:16. Ga se ntwa magareng ga ditšhaba mme ke ntwa magareng ga Modimo le ‘dikgosi tse di mo lefatsheng lotlhe.’ (Tshenolo 16:14) Modimo o tla dirisa ntwa eno go fedisa dipuso tsa batho.—Daniele 2:44.
Fa o batla go ithuta mo go oketsegileng ka ntwa ya Aramagedona, bala setlhogo se se reng Ntwa ya Haramagedona ke Eng?
A lefatshe le tla senngwa ka dibomo tsa nuklea?
Nnyaa. Modimo ga a kitla a letlelela batho gore ba senye lefatshe, le fa ba ka dirisa dibomo tsa nuklea mo nakong e e tlang. Baebele e a re:
‘Lefatshe le tla tswelela le le gone ka bosakhutleng.’—Moreri 1:4.
“Basiami ba tla rua lefatshe, mme ba tla nna mo go lone ka bosakhutleng.”—Pesalema 37:29.
Mme gone, boporofeti jo bo mo Baebeleng le dilo tse di diragalang gone jaanong di bontsha gore lefatshe le tloga le fetoga. (Mathaio 24:3-7; 2 Timotheo 3:1-5) Bona gore Baebele e a re go tla diragala eng mo nakong e e tlang ka go ithuta Baebele le rona mahala.
Tse Dingwe Tse O ka Di Kgatlhegelang
DIKARABO TSA DIPOTSO TSA BAEBELE
A Lefatshe le Tlile go Senngwa?
Baebele e tlhalosa se Modimo a ikaeletseng go se dira ka lefatshe.
DITHUTO TSA BOTLHOKWA TSA BAEBELE
Goreng Modimo a Ile a Bopa Lefatshe?
Lefatshe la rona le tletse ka dilo tse dintle. Ga a dira gore le nne gaufi thata le letsatsi kgotsa kgakala thata le lone, gape o ile a dira gore le dikologe ka lobelo lo lo lekaneng. Goreng Modimo a ile a tsaya matsapa a makanakana go dira gore lefatshe le nne lentle thata jaana?
DIKARABO TSA DIPOTSO TSA BAEBELE
Sesupo sa ‘Malatsi a Bofelo’ Kgotsa sa “Bokhutlo” ke Eng?
Baebele e ile ya bolelelapele dilo di le dintsi tse di supang gore ke malatsi a bofelo.
NNANG LO DISITSE!
Russia e Tlhasela Ukraine —A Boporofeti Jwa Baebele bo a Diragala?
Bona gore tiragalo eno e kaya eng.
TORA YA TEBELO
A go a kgonega go falola ntwa ya Haramagedona?
Haragamedona ke lefoko le le tshosang, mme tota le kaya eng?
KA GA RONA
Kopa Thuto ya Baebele ya Mahala
Tlotlang ka potso nngwe ya Baebele kgotsa ithute mo go oketsegileng ka Basupi ba ga Jehofa.
