Nngwe ya ditsela tse batsadi ba ka thusang bana ba bone gore ba nne le botlhale jo bo tswang kwa Modimong ke go ba thusa gore ba solegelwe molemo ke dipokano. Se bana ba se bonang, ba se utlwang le tsela e ba arabelang ka yone kwa dipokanong e ka ba thusa go ithuta ka Jehofa le gore ba atamalane le ene. (Dut 31:12, 13) Fa e le gore o motsadi, o ka thusa jang ngwana wa gago gore a solegelwe molemo ke dipokano?

• Dira maiteko a go nna gone kwa dipokanong ka metlha.​—Ps 22:22

• Ipheng nako ya go tlotla le bakaulengwe le bokgaitsadi kwa Holong ya Bogosi pele dipokano di simolola le morago ga tsone.​—Bah 10:25

• Netefatsa gore mongwe le mongwe mo lapeng o na le khopi ya kgatiso e e ithutiwang kwa dipokanong

• Thusa ngwana wa gago go arabela a dirisa mafoko a gagwe.​—Mat 21:15, 16

• Bua dilo tse di agang ka dipokano le dilo tse o di ithutileng

• Thusa bana ba gago go tsaya karolo mo go phepafatseng Holo ya Bogosi le go tlotla le bakaulengwe le bokgaitsadi ba ba godileng kwa phuthegong

Go tlhokega matsapa a magolo go thusa bana ba gago gore ba atamalane le Jehofa e bile ka dinako dingwe go ka lebega go le thata go dira jalo. Le fa go ntse jalo, o ka ikaega ka Jehofa gore a go thuse.​—Isa 40:29.

LEBANG BIDIO YA BATSADI, IKAEGENG KA JEHOFA, LO BO LO ARABA DIPOTSO TSE DI LATELANG:

• Letsapa le ile la ama jang Kagiso le mosadi wa gagwe?

  Kwala karabo ya gago fano

• Goreng batsadi ba tshwanetse go kopa Jehofa gore a ba neye maatla?

  Kwala karabo ya gago fano

• Kagiso le mosadi wa gagwe ba ile ba ikaega jang ka Jehofa gore a ba thuse?

  Kwala karabo ya gago fano