Saame 6:1-10
Ki he pule hivá; ke ngāueʻaki ʻa e ngaahi meʻalea filo kuo fakatonutonu ki he Seminití.* Ko e hiva ʻa Tēvita.
6 ʻE Sihova, ʻoua muʻa naʻá ke valokiʻi au ʻi hoʻo houhaú,Pea ʻoua naʻá ke fakatonutonu au ʻi hoʻo houhau kakahá.+
2 Fakahaaʻi mai kiate au ʻa e hōifua,* ʻe Sihova, he ʻoku fakaʻaʻau ke u vaivai.
Fakamoʻui au, ʻe Sihova,+ he ʻoku tete ʻa hoku ngaahi huí.
3 ʻIo, ʻoku ou hohaʻa lahi,+Pea ʻoku ou ʻeke atu kiate koe, ʻe Sihova—ko e hā hono fuoloá?+
4 Foki mai muʻa, ʻe Sihova, pea fakahaofi au;+Fakahaofi ange au koeʻuhi ko hoʻo ʻofa mateakí.+
5 He ʻi he maté ʻoku ʻikai huʻekina* ai koe;ʻI he Faʻitoká,* ko hai te ne fakahīkihikiʻi ai koé?+
6 Kuó u hoko ʻo ongosia ʻi heʻeku māpuhoí;+ʻI he poó kotoa ʻoku ngaunu ai ʻa hoku mohengá ʻi hoku loʻimatá;*ʻOku tāfea ʻa hoku tokotoʻangá ʻi heʻeku tangí.+
7 ʻOku vaivai hoku matá tupu mei heʻeku mamahí;+Kuo nenefu* ia koeʻuhi ko e faʻahinga kotoa ʻoku nau fakahohaʻasi aú.
8 Mavahe meiate au, ʻa kimoutolu kotoa ʻoku anga-fulikivanú,He ʻe fanongo mai ʻa Sihova ki he ongo atu ʻa ʻeku tangí.+
9 ʻE fanongo ʻa Sihova ki heʻeku tautapa ki ha hōifuá;+ʻE tali ʻe Sihova ʻa ʻeku lotú.
10 Ko hoku ngaahi filí kotoa te nau mā mo loto-siʻi;Te nau holomui fakafokifā ʻi he mā.+
Fakamatala ‘i Lalo
^ Sio ki he Lea mo Hono ʻUhinga.
^ Pe “meesi.”
^ Pe “ʻI Seoli,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
^ Pe “manatua.”
^ Fakafoʻilea, “ʻoku ou ʻai ke tētē ʻa hoku mohengá.”
^ Pe “fakaʻaʻau ke motuʻa.”
