Saame 60:1-12
Ki he pule hivá; fakatonutonu ki he “Lile ʻo e Fakamanatú.” Mikitami.* Saame ʻa Tēvita. Ke faiʻaki ʻa e faiako. ʻI heʻene tau mo ʻĒlama-nahalaimi mo ʻĒlama-Sopa, pea naʻe foki ʻa Sioape ʻo taaʻi ʻa e kau ʻĪtomi ʻe toko 12,000 ʻi he Teleʻa Māsimá.+
60 ʻE ʻOtua, naʻá ke siʻaki kimautolu; naʻá ke avangi ʻemau ngaahi laine taú.+
Naʻá ke houhau ʻiate kimautolu; ka ko eni ke ke toe tali muʻa kimautolu!
2 Naʻá ke ʻai ʻa e māmaní ke ngalulu; pea fakamavaeua ia.
Monomono muʻa ʻa hono ngaahi maumaú, he ʻoku holofa ia.
3 Naʻá ke ʻai ho kakaí ke nau faingataʻaʻia.
Naʻá ke ʻai ke mau inu uaine ʻo ʻai ai kimautolu ke mau tāsipa.+
4 ʻOatu* ha fakaʻilonga ki he faʻahinga ʻoku manavahē kiate koéKe nau hola pea kalofi ʻa e kaufaná. (Sila)
5 Koeʻuhi ke fakahaofi ai ʻa e faʻahinga ʻokú ke ʻofa aí,Fakamoʻui kimautolu ʻaki ho nima toʻomataʻú pea fai mai ha tali kiate kimautolu.+
6 Kuo folofola ʻa e ʻOtuá ʻi heʻene māʻoniʻoní:*
“Te u fiefia, pea te u ʻoatu ʻa Sīkemi ko ha tofiʻa,+Pea te u fua ʻo tuku atu ʻa e Teleʻa* ʻo Sūkoté.+
7 ʻOku ʻaʻaku ʻa Kiliati, pehē foki mo Manase,+Pea ko ʻIfalemi ʻa e tatā* ki hoku ʻulú;Ko Siuta ʻa ʻeku tokotoko pulé.+
8 Ko Mōape ʻa ʻeku pēsoni fanofanó.+
Te u lī ʻa hoku senitoló ki ʻĪtomi.+
Te u kaila ʻi he ikuna ki Filisitia.”+
9 Ko hai te ne ʻave au ki he kolo kuo ʻākoloʻí?*
Ko hai te ne taki au ʻo aʻu ki ʻĪtomí?+
10 ʻIkai ko koe ia, ʻe ʻOtua, kuó ke siʻaki kimautolú,ʻA homau ʻOtuá, ʻa ia ʻoku ʻikai te ke kei hāʻele atu mo ʻemau kau taú?+
11 Tokoniʻi kimautolu ʻi heʻemau faingataʻaʻiá,He ko e fakamoʻui ʻoku fai ʻe he tangatá ko e koto muna pē.+
12 ʻI he ʻOtuá te tau maʻu ai ʻa e mālohí,+Pea te ne tāmoloki ʻa hotau ngaahi filí.+
Fakamatala ‘i Lalo
^ Sio ki he Lea mo Hono ʻUhinga.
^ Pe ngalingali, “Kuó ke ʻoatu.”
^ Pe ngalingali, “ʻi hono potu toputapú.”
^ Pe “Talalo.”
^ Fakafoʻilea, “kolo malu.”
^ Pe ngalingali, “fakakolotaú.”
