Siope 34:1-37
34 Ko ia naʻe hoko atu ʻa ʻIlaiū ʻo ne tali ʻo pehē:
2 “Fanongo mai ki heʻeku ngaahi leá, ʻa kimoutolu ʻoku potó;Fanongo mai kiate au, ʻa kimoutolu ʻoku lahi hoʻomou ʻiló.
3 He ʻoku siviʻi ʻe he telingá ʻa e ngaahi leáʻO hangē tofu pē ko hono ʻahiʻahiʻi ʻe he ʻeleló* ʻa e meʻakaí.
4 Tuku ke tau vakaiʻi angé maʻatautolu ʻa e meʻa ʻoku totonú;Tau fili ange ʻiate kitautolu ʻa e meʻa ʻoku leleí.
5 He kuo pehē ʻe Siope, ‘ʻOku ou tonu au,+Ka kuo ʻikai fakaai ʻe he ʻOtuá ʻa e fakamaau totonú kiate au.+
6 Te u loi ʻo fekauʻaki mo e fakamaau ʻoku totonu ke fai kiate aú?
Ko hoku laveá ʻoku ʻikai ala faitoʻo, neongo ʻa e ʻikai ha laka halá.’+
7 Ko hai ha tangata ʻoku hangē ko Siopé,ʻA ia ʻokú ne inu ʻa e manukí hangē ha vaí?
8 ʻOkú ne takanga mo e kau faihaláPea feohi mo e kau tangata fulikivanú.+
9 He kuó ne pehē, ‘ʻOku ʻikai maʻu ʻe ha tangata ha ʻaongaMei heʻene feinga ke fakahōifuaʻi ʻa e ʻOtuá.’+
10 Ko ia fanongo mai kiate au, ʻa kimoutolu kau tangata ʻo e mahinó:
Mole ke mamaʻo ha fai ʻe he ʻOtua moʻoní ha tōʻonga fulikivanu,+Pe ko ha faihala ʻa e Māfimafi-Aoniú!+
11 He te ne totongi ki ha tangata ʻo fakatatau ki he meʻa ʻokú ne faí+Pea ʻomi kiate ia ʻa e ngaahi nunuʻa ʻo hono ngaahi ʻalungá.
12 He ko hono moʻoní, ʻoku ʻikai fai ʻe he ʻOtuá ha tōʻonga fulikivanu;+ʻOku ʻikai pikoʻi ʻe he Māfimafi-Aoniú ʻa e fakamaau totonú.+
13 Ko hai naʻá ne fokotuʻu ia ko e pule ki he foʻi māmaní,Pea ko hai naʻá ne fakanofo ia ke pule ki he kotoa ʻo māmaní?*
14 Kapau te ne fakahangataha ʻene tokangá* kiate kinautolu,Kapau te ne tānaki mai kiate ia honau laumālié mo ʻenau mānavá,+
15 ʻE ʻauha fakataha kotoa ʻa e faʻahinga ʻo e tangatá,*Pea ʻe foki ʻa e faʻahinga ʻo e tangatá ki he efú.+
16 Ko ia kapau ʻokú ke maʻu ʻa e mahinó, tokanga ki he meʻá ni;Fanongo lelei mai ki he meʻa ʻoku ou leaʻakí.
17 ʻOku totonu ki ha taha ʻoku fehiʻa ki he fakamaau totonú ke ne hoko ʻo pule,Pe te ke fakahalaiaʻi ha tokotaha maʻu mafai lahi ʻoku māʻoniʻoni?
18 Te ke pehē ki ha tuʻi, ‘Ko ha tokotaha taʻeʻaonga koe,’
Pe ki he houʻeikí, ‘ʻOkú ke fulikivanu’?+
19 ʻOku ʻi ai ha Tokotaha ʻoku ʻikai te ne filifilimānako ki he kau houʻeikíPea ʻoku ʻikai te ne leleiʻia ange ʻi he koloaʻiá ʻi he masivá,*+He ko kinautolu kotoa ko e ngāue ʻa hono nimá.+
20 ʻOku nau mate fakafokifā nai,+ ʻi he tuʻapō mālié;+ʻOku nau mātuʻaki tetetete pea nau mole atu;Naʻa mo e faʻahinga ʻoku mālohí ʻoku toʻo atu kinautolu, ka ʻoku ʻikai fai ʻaki ha nima ʻo ha tangata.+
21 He ko e fofonga ʻo e ʻOtuá ʻoku ʻi he ngaahi ʻalunga ʻo ha tangata,+Pea ʻokú Ne ʻafioʻi ʻa e kotoa ʻo ʻene ngaahi laká.
22 ʻOku ʻikai ha fakapoʻuli pe poʻuli matoluʻE lava ke fufū ai ʻe he kau faihalá kinautolu.+
23 He ko e ʻOtuá kuo ʻikai te ne fokotuʻu ha taimi kotofa ki ha tangataKe ne hā ai ʻi hono ʻaó ki ha fakamaau.
24 ʻOkú ne laiki ʻa e faʻahinga mālohí ʻo ʻikai toe fiemaʻu ke fai hano fakatotoloʻiPea fokotuʻu ha niʻihi kehe ko honau fetongi.+
25 He ʻokú ne ʻafioʻi ʻa e meʻa ʻoku nau faí;+ʻOkú ne ikunaʻi kinautolu ʻi he lolotonga ʻa e poʻulí, pea ʻoku nau havehave ai.+
26 ʻOkú ne taaʻi kinautolu koeʻuhi ko ʻenau fulikivanú,ʻI ha feituʻu ʻoku malava ke sio kotoa ki ai,+
27 Koeʻuhi kuo nau tafoki mei he muimui kiate iá+Pea ʻikai te nau tokaʻi ha taha ʻo ʻene ngaahi foungá;+
28 ʻOku nau fakatupunga ʻa e masivá ke tangi kiate ia,Ko ia ʻokú ne fanongo ki he hanu ʻa e tokotaha ʻoku ʻikai hano tokoní.+
29 Lolotonga ʻa e fakalongolongo ʻa e ʻOtuá, ko hai ʻe lava ke ne fakahalaiaʻi iá?
ʻI heʻene fufū ʻa hono fofongá, ko hai ʻe lava ke sio kiate ia?
Tatau pē pe ko e fai ki ha puleʻanga pe ko ha tangata, ʻoku kei tatau pē ʻa e olá,
30 Koeʻuhi ke ʻoua naʻa pule ha tokotaha anga-taʻefakaʻotua*+Pe te ne fakatoka ha ngaahi tauhele ki he kakaí.
31 He ʻe pehē ʻe ha taha ki he ʻOtuá,‘Kuo tauteaʻi au, neongo kuo ʻikai te u fai ha hia;+
32 Akoʻi mai kiate au ʻa e meʻa kuo ʻikai malava ke u sio ki aí;Kapau kuó u fai ha meʻa ʻoku hala, heʻikai ke u toe fai ia’?
33 Te ne totongi atu koā kiate koe ʻo fakatatau ki hoʻo fakakaukaú lolotonga ia ʻokú ke talitekeʻi ʻa ʻene fakamāú?
Kuo pau ke ke fai ʻa e filí, ʻo ʻikai ko au.
Ko ia tala mai ʻa e meʻa ʻokú ke ʻiloʻi leleí.
34 Ko e kau tangata ʻo e mahinó te nau pehē mai kiate au—ʻIlonga ha tangata poto ʻokú ne fanongo kiate au—
35 ‘ʻOku lea ʻa Siope ʻi he taʻeʻilo,+Pea ko ʻene ngaahi leá ʻoku masiva he ʻiloʻiló.’
36 Tuku ke siviʻi* ʻa Siope ki he taupotu taháKoeʻuhi ko ʻene ngaahi talí ʻoku hangē ko e ngaahi tali ʻa e kau tangata fulikivanú!
37 ʻOkú ne tānaki mai ʻa e angatuʻú ki heʻene angahalá;+ʻOkú ne pasipasi ʻi he manuki ʻi homau ʻaóMo fakalahi ai pē ʻene ngaahi lea fakafepaki ki he ʻOtua moʻoní!”+
Fakamatala ‘i Lalo
^ Fakafoʻilea, “ʻaoʻingutú.”
^ Pe “ki he māmani kuo nofoʻí.”
^ Fakafoʻilea, “hono lotó.”
^ Fakafoʻilea, “kakanó.”
^ Pe “ʻi he houʻeikí ʻi he māʻulaló.”
^ Pe “tokotaha tafoki ʻo fakafepaki ki he moʻoní.”
^ Pe ngalingali, “ʻEku tamai, tuku ke siviʻi.”
