Dotoronome 33:1-29
33 Sonu ivi ndi vitumbiku vo Mozesi munthu waku Chiuta wauneneska wangupaska Ayisirayeli wechendafwi.+
2 Iyu wangukamba kuti:
“Yehova wanguza kutuliya ku Sinayi,+Iyu wanguŵaŵaliya kutuliya ku Seiri.
Wanguŵala mu unkhankhu kutuliya kuchigaŵa chamapiri cha Parani,+Ndipu wenga ndi masawuzandi nganandi nga akupaturika,+Kujanja laki lamaryi kwenga asilikali ŵaki.+
3 Iyu wayanjanga ŵanthu ŵaki;+Akupaturika ŵawu wosi ŵe mujanja linu.+
Yiwu ajanga pamaphazi nginu;+Ndipu angwamba kuvwisiya mazu nginu.+
4 (Mozesi wangutipaska dangu,+Nge chihara cha mpingu waku Yakobe.)+
5 Ndipu Chiuta wanguja fumu mu Yeshuruni,*+Pa nyengu yo alongozgi a ŵanthu anguwungana pamoza,+Limoza ndi mafuku ngosi ngaku Isirayeli.+
6 Rubeni waje ndi umoyu ndipu wangafwanga cha,+Ŵanthu ŵaki angajanga amanavi cha.”+
7 Ndipu wangupereka vitumbiku ivi kwaku Yuda:+
“Yimwi Yehova, vwani mazu ngaku Yuda,+Ndipu mumuweze ku ŵanthu ŵaki.
Manja ngaki ngavikiliya vinthu vaki,Ndipu mumuwovyi kulimbana ndi arwani ŵaki.”+
8 Kwaku Levi wangukamba kuti:+
“Tumimu ndi Urimu+ winu* ngwa munthu wakugomezgeka kwaku yimwi,+Yo mungumuyesa pa Masa.+
Mungwamba kulimbana nayu pafupi ndi maji nga ku Meriba,+
9 Munthu yo wangukamba va awisi ndi anyina kuti, ‘Ndilivi nawu ntchitu.’
Chinanga mbabali ŵaki nawu wengavi nawu ntchitu,+Ndipu wangujowo ŵana ŵaki.
Pakuti asunganga mazu nginu,Ndipuso asunganga phanganu linu.+
10 Yiwu asambizi Yakobe vyeruzgu vinu+Ndipuso asambizi Isirayeli Dangu linu.+
Yiwu apereki sembi ya vakununkhira nge kafungu kamampha kwaku yimwi*+Ndipuso apereki sembi yamphumphu paguŵa linu la sembi.+
11 Yimwi Yehova, tumbikani nthazi zaki,Ndipuso longoni kuti mukondwa ndi ntchitu za manja ngaki.
Vikitani malundi nga* ŵanthu wo atimuyukiya,Kuti ŵanthu wo atimutinkha angamuyukiyanga so cha.”
12 Kwaku Benjamini wangukamba kuti:+
“Wakwanjiwa waku Yehova waje wakuvikilirika pafupi ndi iyu;Uku watimuvikiliya zuŵa losi,Iyu wajengi pakati pa mapewa ngaki.”
13 Kwaku Yosefi wangukamba kuti:+
“Yehova watumbiki charu chaki+Ndi vinthu vamampha vakuchanya,Ndi dungwi kweniso maji ngakutuliya mu akasupi apasi,+
14 Wachitumbiki ndi vinthu vamampha vakupangika ndi lumwiNdipuso vakukolola vamampha mwezi wewosi,+
15 Wachitumbiki ndi vinthu vamampha ukongwa vakutuliya mumapiri ngakali*+Ndipuso vinthu vamampha va mumapiri ngamuyaya,
16 Wachitumbiki ndi vinthu vamampha va pacharu chapasi kweniso vinthu vo ve mwenimo,+Ndipuso chiyanjiki ndi Yo waja muchivwati cha minga.+
Vinthu venivi vizi pamutu waku Yosefi,Ndipuso paliwombu la munthu yo wakusankhika pakati pa abali ŵaki.+
17 Unkhankhu waki we nge unkhankhu wa ng’ombi yinthulumi yakwamba kuwaku,Ndipu masengwi ngaki nge nge masengwi nga ng’ombi yamudondu.*
Ndi masengwi ngenanga watutuzgengi* ŵanthuWosi waŵatutuzgiyengi kuvigoti va charu chapasi.
Yiwu ndi masawuzandi nganandi ngaku Efurayemu,+Ndipuso yiwu ndi masawuzandi ngaku Manasi.”
18 Kwaku Zebuloni wangukamba kuti:+
“Yiwi Zebuloni, kondwa uchituwa,Ndipu yiwi Isakara, kondwa mumahema ngaku.+
19 Azamudaniya ŵanthu kumapiri.
Kweniko, azamupereka sembi zaurunji.
Pakuti azamuto* chuma chinandi cha munyanjaNdipuso chuma chakubisika cha mumchenga.”
20 Kwaku Gadi wangukamba kuti:+
“Ngwakutumbikika yo wasanuzga mphaka zaku Gadi.+
Iyu wagona nge nkharamu,Ndipu ngwakunozgeka kupaluwa manja kweniso paliwombu.
21 Iyu wazakujisankhiya chigaŵa chakwamba,+Pakuti chigaŵa cha wakupereka marangu chikusungika kweniko.+
Alongozgi a ŵanthu azamuwungana pamoza.
Iyu wazamuchita urunji waku Yehova,Ndipuso wazamupereka vyeruzgu paku Isirayeli.”
22 Kwaku Dani wangukamba kuti:+
“Dani ndi mwana wa nkharamu.+
Iyu wazamundwika kutuliya ku Bashani.”+
23 Kwaku Nafutali wangukamba kuti:+
“Nafutali wakhorwa ndi kuyanjikaKweniso watumbikika ukongwa ndi Yehova.
Uto chigaŵa cha kuzambwi* kweniso cha kumwera.”
24 Kwaku Ashere wangukamba kuti:+
“Ashere watumbikika ndi ŵana anthulumi.
Iyu wayanjiki ndi abali ŵaki,Ndipu wabizgi* maphazi ngaki mumafuta.
25 Mageti ngaku nge ndi maloku ngachisulu kweniso ngamkuŵa,+Ndipu ujengi wakuvikilirika mu mazuŵa ngaku ngosi.*
26 Palivi yo wayanana ndi Chiuta wauneneska+ waku Yeshuruni,+Yo watenda mude kuti wakuwovyiKweniso yo watenda pachanya pa mitambu mu unkhankhu waki.+
27 Chiuta ndi malu ngakubisamaku kwamba kali,+Manja ngaki ngamuyaya nge pasi paku.+
Iyu wadikisengi arwani pa masu paku,+Ndipu wakambengi kuti, ‘Abayi!’+
28 Isirayeli wazamujanga mwakuvikilirika,Ndipu visimi vaku Yakobe vazamuvikilirikaMucharu cha chakurya kweniso vinyu wasonu,+Cho mitambu yaki yazamunthonya dungwi.+
29 Ndiwi wakukondwa Isirayeli!+
Ndiyani yo wayanana ndi yiwi,+Mtundu wo ukondwa ndi utaski waku Yehova,+Chishangu chaku cho chitikuvikiliya+Kweniso lipanga laku launkhankhu?
Arwani ŵaku azamumbwambwanthiya pa masu paku,+Ndipu yiwi wazamukanda pamisana yawu.”*
Mazu Ngam'mphata
^ Kung’anamuwa kuti, “Wakunyoloka,” zina laulemu laku Isirayeli.
^ Kung’anamuwa Chiuta.
^ Mazu ngaki chayingu, “kafungu kamampha mumphunu zinu.”
^ Pamwenga kuti, “viwunu va.”
^ Yapa pangafwatulikiya so kuti, “mumapiri nga kuvuma.”
^ Wonani Mazu ngo Ngakonkhoskeka.
^ Pamwenga kuti, “wafwimbuwengi.”
^ Mazu ngaki chayingu, “azamuwonkha.”
^ Pamwenga kuti, “cha ko kuselere lumwi.”
^ Pamwenga kuti, “wasambisi.”
^ Mazu ngaki chayingu, “Ndipu nthazi zaku ziŵengi nge mazuŵa ngaku.”
^ Yapa pangafwatulikiya so kuti, “wazamukanda pamalu ngawu ngapachanya.”
