Masalimo 136:1-26
136 Wongani Yehova chifukwa iyu ngwamampha;+Chanju chaki chambula kumala ntchamuyaya.+
2 Wongani Chiuta wa achiuta,+Pakuti chanju chaki chambula kumala ntchamuyaya.
3 Wongani Mbuya wa ambuya,Pakuti chanju chaki chambula kumala ntchamuyaya.
4 Iyu pe ndiyu wachita vinthu vikulu vakuziziswa,+Pakuti chanju chaki chambula kumala ntchamuyaya.+
5 Wakupanga kuchanya mwalusu,*+Pakuti chanju chaki chambula kumala ntchamuyaya.
6 Wakutandika charu chapasi pachanya pa maji,+Pakuti chanju chaki chambula kumala ntchamuyaya.
7 Wakupanga vinthu vikulu vakumbulikiya,+Pakuti chanju chaki chambula kumala ntchamuyaya,
8 Lumwi kuti lilamuliyengi ndi msana,+Pakuti chanju chaki chambula kumala ntchamuyaya,
9 Mwezi kweniso nyenyezi kuti vilamuliyengi ndi usiku,+Pakuti chanju chaki chambula kumala ntchamuyaya.
10 Wangubaya mwana weyosi wakwamba mu Ijipiti,+Pakuti chanju chaki chambula kumala ntchamuyaya.
11 Wangutuzga Ayisirayeli pakati pawu,+Pakuti chanju chaki chambula kumala ntchamuyaya,
12 Ndi janja lanthazi+ kweniso lakutambasuka,Pakuti chanju chaki chambula kumala ntchamuyaya.
13 Nyanja Yiyera wanguyigaŵa paŵi,*+Pakuti chanju chaki chambula kumala ntchamuyaya.
14 Wanguchitiska kuti Ayisirayeli ajumphi pakati paki,+Pakuti chanju chaki chambula kumala ntchamuyaya.
15 Wanguponya Farawo ndi asilikali ŵaki mu Nyanja Yiyera,+Pakuti chanju chaki chambula kumala ntchamuyaya.
16 Wangulongozga ŵanthu ŵaki muchipululu,+Pakuti chanju chaki chambula kumala ntchamuyaya.
17 Wanguthereska mafumu ngakulungakulu,+Pakuti chanju chaki chambula kumala ntchamuyaya.
18 Wangubaya mafumu nganthazi,Pakuti chanju chaki chambula kumala ntchamuyaya,
19 Sihoni+ fumu ya Aamori,Pakuti chanju chaki chambula kumala ntchamuyaya,
20 Ndipuso Ogi+ fumu ya ku Bashani,Pakuti chanju chaki chambula kumala ntchamuyaya.
21 Wangupereka charu chawu kuti chije chihara,+Pakuti chanju chaki chambula kumala ntchamuyaya,
22 Chihara chaku Isirayeli mteŵeti waki,Pakuti chanju chaki chambula kumala ntchamuyaya.
23 Iyu wangutikumbuka po tenga akuyuyulika,+Pakuti chanju chaki chambula kumala ntchamuyaya.+
24 Wangulutirizga kutitaska kwa arwani ŵidu,+Pakuti chanju chaki chambula kumala ntchamuyaya.
25 Wapereka chakurya ku chamoyu chechosi,*+Pakuti chanju chaki chambula kumala ntchamuyaya.
26 Wongani Chiuta wa kuchanya,Pakuti chanju chaki chambula kumala ntchamuyaya.
Mazu Ngam'mphata
^ Pamwenga kuti, “mwazeru.”
^ Mazu ngaki chayingu, “wanguyigaŵagaŵa.”
^ Mazu ngaki chayingu, “minofu yosi.”
