Masalimo 139:1-24
Kwaku yo walongozga sumu. Sumu yaku Davidi.
139 Yimwi Yehova, mwandifufuza ndipu mutindiziŵa.+
2 Yimwi muziŵa asani ndaja pasi kweniso asani ndasoka.+
Maŵanaŵanu ngangu mutingaziŵiya kutali.+
3 Mutindiwona* asani nditenda kweniso asani ndagona;Nthowa zangu zosi mutiziziŵa umampha.+
4 Lilimi langu lechendatuzgi mazu,Kweni wonani! Yimwi Yehova muja kuti mwangaziŵa kali.+
5 Yimwi mutindizingiliza, kuvuli kweniso kunthazi kwangu;Ndipu muŵika janja linu paku ini.
6 Vo yimwi muziŵa, ini ndingavivwisa cha.*
Vapachanya ukongwa ndipu ini ndingafikapu cha.*+
7 Kumbi ndingaluta nunkhu kuti ndithaŵi mzimu winu,Ndipuso ndingaluta nunkhu kuti ndithaŵi chisku chinu?+
8 Asani ndingakwere kuchanya, yimwi mungasanirika kweniko,Asani ndingatandika bedi langu mu Dindi,* awonani! yimwi mungasanirika kweniko.+
9 Asani ndingaphululukiya kutali ndi mapapa nga matandakuchaKuti nkhaje musina mwa nyanja yakutali,
10 Chinanga nkhwenuku, janja linu lindilongozgengiNdipu janja linu lamaryi lindikongi.+
11 Asani ndingakamba kuti: “Nadi panu mdima undibisengi!”
Mbwenu usiku wo wandizunguliya usambukengi ukweru.
12 Chinanga ndi mdima, ungaŵa mdima cha kwaku yimwi,Kweni usiku uŵalengi nge msana;+Mdima uyanana ŵaka ndi ukweru kwaku yimwi.+
13 Pakuti yimwi mukupanga sana zangu;Mungundivikiliya* munthumbu mwa ama.+
14 Nditikuthamikani chifukwa ndikupangika mwakuchitiska mantha kweniso mwakuziziswa.+
Ntchitu zinu zakuziziswa,+Fundu yeniyi nditiyiziŵa umampha ukongwa.
15 Viwanga vangu vingubisika cha kwaku yimwiPa nyengu yo ndapangikanga mumalu ngachisisi,Pa nyengu yo ndalukikanga mundimba za charu.+
16 Masu nginu ngangundiwona ndichiyamba ŵaka kupangika;Ndipu viŵalu vangu vosi vingulembeka mubuku linuMwakukoliyana ndi mazuŵa ngo vatingi vipangikiyengi.Ivi vinguchitika chiŵalu chechosi chechendapangiki.
17 Mwaviyo, kwaku ini maŵanaŵanu nginu ngakuzirwa ukongwa!+
Ngosi pamoza ngalipu nganandi ukongwa yimwi Chiuta!+
18 Asani ndingayesa kungaŵerenga, ngaluska mchenga.+
Asani ndiyuka, ndija kuti ndeche ndi yimwi.*+
19 Yimwi Chiuta, asani mungabaya ŵanthu aheni!+
Ŵanthu ankhaza* angatuwaku kwaku ini,
20 Ŵanthu wo akamba vinthu vakususkana ndi yimwi ndi chilatu chiheni;*Yiwu mbarwani ŵinu wo ato zina linu mu nthowa yambula kwenere.+
21 Yimwi Yehova, asi ini nditinkha ŵanthu wo atikutinkhani,+Kweniso ndiseruka ndi ŵanthu wo atikuyukiyani?+
22 Ini nditiŵatinkha ukongwa;+Kweniso asambuka arwani ŵangu chayiwu.
23 Ndifufuzeni yimwi Chiuta, ndipu ziŵani mtima wangu.+
Ndisandeni ndipu ziŵani maŵanaŵanu ngangu ngo ngatindifipiska mtima.+
24 Wonanimu mwaku ini asani mwe nthowa yeyosi yiheni,+Ndipu ndilongozgeni+ mu nthowa yamuyaya.
Mazu Ngam'mphata
^ Mazu ngaki chayingu, “Mutindipima.”
^ Pamwenga kuti, “vakuziziswa ukongwa kwaku ini.”
^ Pamwenga kuti, “ndingavivwisa cha.”
^ Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
^ Yapa pangafwatulikiya so kuti, “Mungundiluka pamoza.”
^ Yapa pangafwatulikiya so kuti, “ndilutirizga mbwenu kungaŵerenga.”
^ Pamwenga kuti, “a mulandu wa ndopa.”
^ Pamwenga kuti, “mwakukoliyana ndi vo yiwu akhumba.”
