Masalimo 27:1-14
Sumu yaku Davidi.
27 Yehova mbukweru wangu+ kweniso utaski wangu.
Kumbi ndingawopa yani?+
Yehova ndi malu ngakuvikilirika nga umoyu wangu.+
Kumbi ndingatenthema yani?
2 Ŵanthu aheni ŵati andiyukiya kuti aryi mnofu wangu,+Ŵanthu wo alimbananga nani kweniso arwani ŵangu ndiwu anguguŵa ndi kuwa.
3 Chinanga asilikali angajintha msasa kuti alimbani nani,Mtima wangu uwopengi cha.+
Chinanga pangabuka nkhondu yakulimbana ndi ini,Pa nyengu yeniyi napu, ndilutirizgengi kuja ndi chigomezgu.
4 Pe chinthu chimoza cho ndapempha Yehova,Ndipu chinthu chenichi ndichu ndipenja,Ndipenja kuti ndije munyumba yaku Yehova mazuŵa ngosi nga umoyu wangu,+Kuti ndiwonengi umampha waku YehovaKweniso kuti ndilereskengi mwalikondwa* nyumba yaki yakusopiyamu.*+
5 Pakuti wandibisengi mu mduzi waki pa zuŵa la soka;+Wandibisengi mumalu ngachisisi muhema laki;+Pachanya pa jalawi ndipu wandiŵikengi.+
6 Sonu mutu wangu we pachanya pa arwani ŵangu wo andizunguliya;Ndiperekengi sembi pahema laki mwakukondwa;Ndimbengi sumu zakuthamika* Yehova.
7 Yimwi Yehova, ndivweni pa nyengu yo ndidana;+Ndichitiyeni lisungu ndipu ndimukeni.+
8 Mtima wangu wakamba mumalu mwaku yimwi kuti:
“Penjani chisku changu kuti muchisaniyi.”
Chisku chinu ndichipenjengi kuti ndichisaniyi, yimwi Yehova.+
9 Mungandibisanga cha chisku chinu.+
Mungamudikisiyanga kutali cha mteŵeti winu chifukwa cha ukali winu.
Yimwi ndimwi mutindiwovya;+Mungandijowonga cha pamwenga kundisiya, yimwi Chiuta wangu wa utaski.
10 Chinanga ada ndi ama ŵangu chayiwu angandisiya,+Yehova wanditongi.+
11 Ndisambizeni nthowa yinu, yimwi Yehova,+Ndilongozgeni mu menderu nginu nga urunji chifukwa cha arwani ŵangu.
12 Lekani kundipereka kwa arwani ŵangu,+Pakuti akaboni aboza andiyukiya,+Ndipu atindiwofyeza mwaukali.
13 Mphanyi nde pani asani ndengavi chivwanuChakuti ndiwonengi umampha waku Yehova mucharu cha ŵanthu amoyu?*+
14 Lindizga Yehova;+Ja ndi chiganga kweniso khwima mtima.+
Hinya, lindizga Yehova.
Mazu Ngam'mphata
^ Pamwenga kuti, “ndilereskengi ndi kuŵanaŵaniya.”
^ Pamwenga kuti, “malu nginu ngakupaturika.”
^ Pamwenga kuti, “Ndipangiyengi sumu.”
^ Yapa pangafwatulikiya so kuti, “Nadi panu, nde ndi chivwanu chakuti ndiwonengi umampha waku Yehova mucharu cha ŵanthu amoyu.”
