Masalimo 41:1-13
Kwaku yo walongozga sumu. Sumu yaku Davidi.
41 Ngwakukondwa weyosi yo waŵanaŵaniya munthu wakusika;+Yehova wamutaskengi pa zuŵa la soka.
2 Yehova wamuvikiliyengi kweniso wamusungengi wamoyu.
Wakambikengi kuti ngwakukondwa pacharu chapasi;+Mumuperekengi cha kwa arwani ŵaki kuti achiti nayu vo akhumba.+
3 Yehova wamuwovyengi we pabedi laki pa nyengu yo watama;+Yimwi mumuphweriyengi pa nyengu yo watama pabedi laki.
4 Pakuti ndingukamba kuti: “Yimwi Yehova, ndichitiyeni lisungu.+
Ndichizgeni,+ pakuti ini ndakubudiyani.”+
5 Kweni arwani ŵangu akamba vinthu viheni vakukwaskana ndi ini, ndipu atiti:
“Kumbi wafwengi zuŵanji kuti zina laki limali?”
6 Asani yumoza waku yiwu waza kuzindiwona, mtima waki ukamba vaboza.
Wachindiwona, wawunjika nkhani ziheni zakuti wakakambi;Pavuli paki, waluta kuchimemeza kwekosi.
7 Ŵanthu wosi wo atinditinkha atokotoskiyana,Yiwu atindiŵanaŵaniya vinthu viheni ndipu akamba kuti:
8 “Chinthu chakofya chamuwiya;Pakuti sonu we pasi, wayukengi so cha.”+
9 Chinanga ndi munthu yo ndenga nayu pa chimangu, yo ini ndingumugomezga,+Mweniyo waryanga chiŵandi changu, wandisoske chiphundulu chaki.*+
10 Kweni yimwi Yehova, ndichitiyeni lisungu ndipu ndiyuskeni,Kuti ndiŵaweze.
11 Ndiziŵengi kuti mukondwa nani asani ivi vingachitika:
Asani arwani ŵangu angaleka kudaniriza kuti andiphara.+
12 Kweni ini, yimwi mutindisunga chifukwa cha kugomezgeka kwangu;+Mundiŵikengi pa masu pinu mpaka muyaya.+
13 Yehova Chiuta waku Isirayeli wathamikikiMuyaya mpaka muyaya.+
Ame, Ame.
Mazu Ngam'mphata
^ Pamwenga kuti, “nayu wandiyukiya.”
