Masalimo 57:1-11
Kwaku yo walongozga sumu. Sumu iyi yimbiki nge “Mungandinanganga Cha.” Sumu yaku Davidi. Mikitamu.* Pa nyengu yo wanguthaŵa Sauli ndi kuchibisama mumphanji.+
57 Ndichitiyeni lisungu yimwi Chiuta, ndichitiyeni lisungu,Pakuti ini ndibisama mwaku yimwi,+Ndibisama mu mduzi wa mapapa nginu mpaka po masuzgu ngajumphiyapu.+
2 Ndidana Chiuta Wapachanya Limu,Ndidana Chiuta wauneneska yo watindituzgiyapu masuzgu.
3 Iyu watumizengi chovyu kutuliya kuchanya kuti wanditaski.+
Iyu watimbanyizgengi munthu yo wakhumba kundimphwakuwa ndi mulomu waki. (Selah)
Chiuta watumizengi chanju chaki chambula kumala kweniso kugomezgeka kwaki.+
4 Nkharamu zandizingiliza;+Ndikhumbika kugona pakati pa ŵanthu wo akhumba kundimeza,Wo minyu ngawu nge nge mikondu kweniso miviNdipuso wo malilimi ngawu ngakuthwa nge lipanga.+
5 Mukwezeki kuluska kuchanya yimwi Chiuta;Unkhankhu winu uje pachanya pa charu chosi chapasi.+
6 Yiwu athya vilepa kuti malundi ngangu ngawilemu;+Ndakotama chifukwa cha masuzgu.+
Yiwu andikumbiya mbuna panthazi pangu,Kweni awiyengemu ŵija.+ (Selah)
7 Mtima wangu ngwakukho yimwi Chiuta,+Mtima wangu ngwakukho.
Ndimbengi kweniso ndipangengi sumu.
8 Yuka yiwi unkhankhu wangu.
Yuka yiwi chakumbiya chavingwi; yiwi bangu,* nawi yuka.
Ndiyuskengi matandakucha.+
9 Ndikuthamikeningi pakati pa ŵanthu yimwi Yehova;+Ndimbengi sumu zakukuthamikani* pakati pa mitundu ya ŵanthu.+
10 Pakuti chanju chinu chambula kumala ntchikulu, ntchapachanya nge kuchanya,+Ndipu kugomezgeka kwinu kufika mpaka kumitambu.
11 Mukwezeki kuluska kuchanya yimwi Chiuta;Unkhankhu winu uje pachanya pa charu chosi chapasi.+
Mazu Ngam'mphata
^ Wonani Mazu ngo Ngakonkhoskeka.
^ Anyaki akamba kuti, “bangwi.”
^ Pamwenga kuti, “Ndipangengi sumu.”
