Masalimo 75:1-10
-
Chiuta wayeruzga mwaurunji
-
Ŵanthu aheni amwengi mukapu yaku Yehova (8)
-
Kwaku yo walongozga sumu. Sumu iyi yimbiki nge salimo la “Mungandinanganga Cha.” Sumu yaku Asafu.+
75 Titikuwongani yimwi Chiuta, titikuwongani;Zina linu le pafupi,+Ndipu ŵanthu apharazga ntchitu zinu zakuziziswa.
2 Yimwi mutiti: “Asani ndaŵika nyengu,Ndiyeruzga mwaurunji.
3 Pa nyengu yo charu chapasi ndi wosi wo ajamu vingusongonoka,Ini ndini ndingulamisa vipilala vaki.” (Selah)
4 Ndikambiya akujikuzga kuti, “Mungajikuzganga cha,”
Ndipuso ŵanthu aheni kuti, “Mungakwezanga nthazi zinu* cha.
5 Nthazi zinu mungazikwezanga* muchanya chaPamwenga kulongoro mwakujikuzga.
6 Pakuti kujikuzgaKutuliya kuvuma* cha, pamwenga kuzambwi* pamwenga kumwera.
7 Pakuti Chiuta ndiyu Wakweruzga.+
Wasiska munthu kweniso wakweza munyaki.+
8 Pakuti mujanja laku Yehova mwe kapu;+Mukapu yeniyi mwe vinyu yo wachita phovu kweniso wakusazgika umampha.
Iyu wapunguwengi nadi vinyu yo,Ndipu ŵanthu wosi aheni a pacharu chapasi amwengi, asiyengemu kekosi cha.”+
9 Kweni ini, ndipharazgengi venivi kwamuyaya;Ndimbengi sumu zakuthamika* Chiuta waku Yakobe.
10 Chifukwa iyu watiti: “Ndidumuwengi nthazi zosi za* ŵanthu aheni,Kweni nthazi za ŵanthu arunji zikwezekengi.”*
Mazu Ngam'mphata
^ Mazu ngaki chayingu, “sengwi linu.”
^ Mazu ngaki chayingu, “sengwi linu mungalikwezanga.”
^ Pamwenga kuti, “ko kutuliya lumwi.”
^ Pamwenga kuti, “ko kuselere lumwi.”
^ Pamwenga kuti, “Ndimupangiyengi sumu.”
^ Mazu ngaki chayingu, “masengwi ngosi nga.”
^ Mazu ngaki chayingu, “masengwi nga ŵanthu arunji ngakwezekengi.”
