Masalimo 79:1-13
Sumu yaku Asafu.+
79 Yimwi Chiuta, mitundu yasere muchiharachinu;+Yiwu afipiska nyumba yinu yakusopiyamu yakupaturika;+Ndipu Yerusalemu amusambusa ndundu ya mahami.+
2 Mathupi nga ateŵeti ŵinu angapereka kuti ngaje chakurya cha viyuni vamudeNdipu mnofu wa ŵanthu ŵinu akugomezgeka awupereka ku vinyama vamudondu va pacharu chapasi.+
3 Ndopa zawu azipunguwa nge maji mu Yerusalemu mosi,Ndipu palivi yo wajaku kuti waŵaŵiki mumasanu.+
4 Isi tasambuka chinthu cho ŵanthu wo tija nawu pafupi atichinena;+Ŵanthu wo atizunguliya atitinyoza kweniso atitihoya.
5 Yimwi Yehova, kumbi mukwiyengi mpaka zuŵanji? Mpaka muyaya?+
Kumbi ukali winu ukoliyengi nge motu mpaka zuŵanji?+
6 Punguliyani ukali winu pa mitundu ya ŵanthu yo yileka kukuziŵaniKweniso pa maufumu ngo ngadaniya pa zina linu cha.+
7 Pakuti yiwu ameza YakobeNdipu charu chaki achisambusa mahami.+
8 Mungatimbanga mulandu cha chifukwa cha maubudi nga apapi ŵidu akali.+
Tichitiyeni lisungu mwaliŵi,+Pakuti tasisika ukongwa.
9 Tiwovyeni yimwi Chiuta wa utaski widu,+Chitanipu kanthu chifukwa cha zina linu la unkhankhu;Titaskeni kweniso tigowokiyeni* maubudi ngidu chifukwa cha zina linu.+
10 Kumbi mitundu yikambiyenji kuti: “We pani Chiuta wawu?”+
Viziŵiki pakati pa mitundu isi tichiwonaKuti mwaweze chifukwa cha ndopa za ateŵeti ŵinu zo zadirika.+
11 Yimwi muvwi kutamantha kwa mukayidi.+
Gwiriskiyani ntchitu nthazi zinu zikulu* kuti mutaski* wo ayeruzgika kuti abayiki.*+
12 Ŵanthu wo tija nawu pafupi muŵaweze maulendu 7+Chifukwa cha mazu ngakunyoza ngo akunyozani nangu yimwi Yehova.+
13 Pavuli paki, isi taŵanthu ŵinu kweniso mbereri za mu mskambu winu,+Tikuwongeningi mpaka muyaya;Ndipuso tipharazgengi mazu ngakukuthamikani kutuwa mugonezi mpaka mugonezi.+
Mazu Ngam'mphata
^ Mazu ngaki chayingu, “benekeriyani.”
^ Mazu ngaki chayingu, “janja linu.”
^ Yapa pangafwatulikiya so kuti, “mufwatuwi.”
^ Mazu ngaki chayingu, “ŵana a nyifwa.”
