Kumbi Mbayani Wo Achita Khumbu Laku Yehova Mazuŵa Nganu?
Akaboni aku Yehova asanirika pacharu chosi chapasi ndipu atuliya mu mitundu ndi mu midawuku yakupambanapambana. Kumbi nchinthu wuli cho chitiŵawovya kuti achitengi vinthu mwakukoliyana?
Kumbi Khumbu Laku Chiuta Ndakuti Wuli?
Chiuta wakhumba kuti khumbu laki liziŵiki pacharu chosi chapasi. Kumbi khumbu laki ndakuti wuli, nanga mbayani wo asambiza anyawu khumbu lenili mazuŵa nganu?
SAMBIRU 1
Kumbi Akaboni aku Yehova Mbanthu a Mtundu Wuli?
Kumbi yimwi muziŵa Akaboni aku Yehova alinga? Ndi vinthu nivi vo muziŵa vakukwaskana ndi isi?
SAMBIRU 2
Nchifukwa Wuli Tidanika Kuti Akaboni aku Yehova?
Ziŵani vifukwa vitatu vo vikutichitiska kuto zina lenili.
SAMBIRU 3
Kumbi Uneneska wa m’Bayibolu Unguziŵika so Wuli?
Kumbi tingalongo wuli kuti tiziŵa uneneska wa vo Bayibolu lisambiza?
SAMBIRU 4
Ntchifukwa Wuli Tikutuzga Bayibolu Linyaki?
Ntchinthu wuli chichitiska Bayibolu ili kuja lapade ukongwa?
SAMBIRU 5
Kumbi ndi Vinthu Wuli vo Mwamusaniya pa Maunganu Ngidu Ngachikhristu?
Tiwungana kuti tisambiri Malemba ndipuso kuti tichiskani. Mwazamulondereka ndi manja ngaŵi!
SAMBIRU 6
Kumbi Kuwungana ndi Akhristu Anyidu Kutitiwovya Wuli?
Mazu ngaku Chiuta ngachiska maunganu ngachikhristu. Ziŵani mo mungayanduliya ndi maunganu ngenanga.
SAMBIRU 7
Kumbi Maunganu Ngidu Ngachitika Wuli?
Kumbi mukujifumbapu kuti maunganu ngidu ngachitika wuli? Asani mungachisanirikapu pa maunganu ngenanga, mwamukondwa kusambira fundu zamampha ukongwa za m’Bayibolu.
SAMBIRU 8
Ntchifukwa Wuli Tivwala Umampha Pakuluta ku Maunganu Ngidu?
Kumbi Chiuta wativiwona wuli vakuvwala vo tivwala? Ziŵani fundu za m’Bayibolu zo zititiwovya kuti tivwalengi umampha kweniso tijitowesengi mwakwenere.
SAMBIRU 9
Kumbi Tinganozgeke Wuli Umampha Maunganu?
Kunozgeke limu maunganu kungakuwovyani kuti muyanduwengi ukongwa ndi maunganu ngenanga.
SAMBIRU 10
Kumbi Kusopa kwa Pabanja Kung’anamuwanji?
Ziŵani mo kuchita kusopa kwa pabanja kungakuwovyiyani kuti muje paubwezi wakukho ndi Chiuta kweniso kuti muyanjanengi ukongwa pabanja linu.
SAMBIRU 11
Ntchifukwa Wuli Tisanirika pa Maunganu ngakulungakulu?
Chaka chechosi, katatu tiwungana pamoza kuti tichiti maunganu ngapade ngenanga. Kumbi mungayanduwa wuli ndi maunganu ngenanga?
SAMBIRU 12
Kumbi Ntchitu Yidu Yakupharazga Ufumu Yilongozgeka Wuli?
Pakupharazga tigwirisiya ntchitu nthowa zo Yesu wagwirisiyanga ntchitu we pacharu chapasi. Kumbi zinyaki mwa nthowa zenizi ndi nizi?
SAMBIRU 13
Kumbi Mpayiniya ndi Yani?
Akaboni anyaki apharazga kwa maora 30, 50, pamwenga kujumpha pa mwezi. Ntchinthu wuli cho chitiŵachiska kuchita viyo?
SAMBIRU 14
Sukulu zo Apayiniya Asere
Kumbi ndi sukulu zapade nizi zo apayiniya anyengu zosi wo atijipereka pa ntchitu yakupharazga Ufumu asere?
SAMBIRU 15
Kumbi Ŵara Ateŵete Wuli mu Mpingu?
Ŵara mbanthurumi wo ŵe paubwezi wakukho ndi Chiuta ndipu alongozga mu mpingu. Kumbi yiwu atiŵawovya wuli ŵanthu a mu mpingu wawu?
SAMBIRU 16
Kumbi Ateŵeti Akovya Agwira Ntchitu Wuli?
Ateŵeti Akovya agiwra ntchitu zo zitovya kuti vinthu viyendengi umampha mu mpingu. Ziŵani mo ntchitu zawu zitovye weyosi yo watuza ku maunganu.
SAMBIRU 17
Kumbi Akuwonere Madera Atitiwovya Wuli?
Ntchifukwa wuli akuwonere madera atende mipingu? Kumbi mungayanduwa wuli asani ŵaza kuziyende mpingu winu?
SAMBIRU 18
Kumbi Abali Ŵidu wo Akumana ndi Masuzgu Titiŵawovya Wuli?
Asani kwachitika masoka ngachilengedu, mwaliŵiliŵi tipereka chovyu kweniso tipembuzga abali ŵidu wo akwaskika. Kumbi tichita wuli venivi?
SAMBIRU 19
Kumbi ‘Kapolu Wakugomezgeka ndi Wazeru’ Wamiya Yani?
Yesu wangulayizga kuti wazamusankha kapolu kuti waziperekengi chakurya kwa akusambira ŵaki pa nyengu yaki. Kumbi venivi vichitika wuli?
SAMBIRU 20
Kumbi Wupu Wakulongozga Ugwira Wuli Ntchitu Mazuŵa Nganu?
Mu nyengu ya akutumika, kagulu kamanavi ka abali kweniso akutumika kanguja wupu wakulongozga wa mpingu wachikhristu. Nanga wuli mazuŵa nganu?
SAMBIRU 21
Kumbi Beteli Ntchinthu Wuli?
Beteli ndi malu ngapade ndipu ngagwira ntchitu yakhumbika ukongwa. Ziŵani vinandi vakukwaskana ndi ŵanthu wo ateŵete kwenuku.
SAMBIRU 22
Kumbi ndi Ntchitu Wuli yo Yichitika pa Ofesi ya Nthambi?
Weyosi ngwakulondeleka kuchiwona malu ku nthambi yeyosi ya Akaboni aku Yehova. Titikudanani kuti muziwoni vo tichita.
SAMBIRU 23
Kumbi Mabuku Ngidu Ngalembeka ndi Kufwatulikiya Wuli?
Isi Akaboni aku Yehova tifwatuliya mabuku muvineneru vakujumpha 750. Ntchifukwa wuli tichita phamphu pakugwira ntchitu yakusuzga yeniyi?
SAMBIRU 24
Kumbi Ndalama Zakwendese Ntchitu Yidu Zituwa Pani?
Pankhani ya ndalama, kumbi ntchinthu wuli cho chichitisa kuti gulu lidu lipambanengi ndi matchalitchi nganyaki?
SAMBIRU 25
Ntchifukwa Wuli Tizenga Nyumba za Ufumu, Nanga Zizengeka Wuli?
Ntchifukwa wuli malu ngidu ngakusopiyamu ngadanika kuti Nyumba za Ufumu? Ziŵani vinandi vakukwaskana ndi mo malu ngenanga ngatovye mipingu yidu.
SAMBIRU 26
Kumbi Tingachita Wuli Kuti Nyumba ya Ufumu Yidu Yiwonekengi Umampha Nyengu Zosi?
Nyumba ya Ufumu yakutowa kweniso yakunozgeka yithamika Chiuta widu.Kumbi ntchinthu wuli cho chitovya kuti Nyumba za Ufumu ziwonekengi umampha?
SAMBIRU 27
Kumbi Layibulale ya pa Nyumba ya Ufumu Yingatiwovya Wuli?
Kumbi mukhumba kuziŵa vinandi vakukwaskana ndi nkhani yinyaki yo musambira m’Bayibolu? Lutani ku layibulale ya pa Nyumba ya Ufumu.
SAMBIRU 28
Kumbi pa Webusayiti Yidu Pasanirikanji?
Mungaziŵa vinandi vakukwaskana ndi isi, vo tigomezga kweniso mungasiniya kwamuka kwa mafumba nga m’Bayibolu.
Kumbi Muchitengi Khumbu Laku Chiuta?
Yehova Chiuta watikuyanjani ukongwa. Kumbi mungalongo wuli kuti mukhumba kuchita vo iyu wakhumba pa umoyu winu wa zuŵa ndi zuŵa?
