Vo Akuwungana Atenere Kuziŵa
AKULONDE ALENDU Akulonde alendu aŵikika kuti akuwovyeni. Avwiyeni asani atikukambiyani ko mungamika njinga, galimotu, ko mutenere kwenda pamwenga asani atikupaskani ulongozgi pa nkhani ya kusunga malu kweniso pa nkhani zinyaki.
UBATIZU Mipandu yakunthazi yo ye pafupi ndi pulatifomu yazamusungikiya wo aluta ku ubatizu pijapija asani pe kusintha. Wosi wo aluta ku ubatizu atenere kuja pamipandu yeniyi nkhani ya ubatizu yechendayambi, pa Chisulu ndi mlenji. Weyosi watenere kupinga thawulubafa ndipuso chakuvwala chaulemu cho wamubatizikiya.
VAKUPEREKA Tagwiriskiya ntchitu ndalama zinandi kuti malu ngidu ngakuchitiyapu unganu ngaje ngamampha kweniso kuti paje vipangizu vakukweze mazu ndi vakuwonese mavidiyo. Tagwiriskiya so ntchitu ndalama zenizi pa vinthu vinyaki vo vitovya kuti unganu uje wakunozga kweniso kuti utiwovyi kuja pa ubwezi ndi Yehova. Ndalama zo mupereka zitovya kulipiriya vinthu vo tagwiriskiya ntchitu pa unganu wunu kweniso zitovya pa ntchitu yapacharu chosi. Pa unganu wunu, paŵikika mabokosi nga vakupereka kuti muŵikengemu ndalama asani mungayanja. Mungapereka so ndalama kuziya pa webusayiti yidu ya donate.ps8318.com. Titikuwongani ukongwa chifukwa cha ndalama zo mupereka. Wupu Wakulongozga utikuwongani ukongwa mosi chifukwa chakovya pa ntchitu za Ufumu.
CHIPATALA Ziŵani kuti chipatala ichi ntcha matenda nga mabuchibuchi pe.
VINTHU VO VASOŴA NDIPUSO VO VASANIRIKA Chechosi cho tatondo tikachipereki ku Dipatimenti ya Vinthu vo Vasoŵa Ndipuso vo Vasanirika. Asani mwataya chinthu, lutani ku dipatimenti yeniyi kuti mukawoneku. Ŵana wo atendatenda waka ŵija kwambula apapi ŵawu ndipuso wo asoŵa atenere kuperekeka ku dipatimenti yeniyi. Kweni mwapapi, phweriyani ŵana ŵinu ndipu mujengi nawu pafupi kuti abali a mudipatimenti iyi aleki kusuzgika ndi kuŵaphwere.
MALU NGAKUJAPU Chondi ŵanaŵaniyani anyinu. Kumbukani kuti mutenere kusungiya malu ŵanthu a m’banja linu, wo mwaziya nawu limoza pamwenga wo musambira nawu Bayibolu pe. Mutenere cha kuŵika vinthu pamalu ngo mujengepu cha.
UTEŴETI WAKUJIPEREKA Asani mukhumba kuti mugwireku ntchitu pa unganu wachigaŵa, lutani ku Dipatimenti ya Uteŵeti Wakujipereka.
Wanozgeka ndi Wupu Wakulongozga wa Akaboni aku Yehova
© 2024 Watch Tower Bible and Tract Society of Pennsylvania
Mungayanja Kuŵerenga so Nkhani Izi
VAKUKWASKANA NDI ISI
Mukasanirikepu pa Unganu Wachigaŵa wa 2024 wa mutu wakuti—‘Pharazgani Uthenga Wamampha!’
Titikudanani ku unganu wa mazuŵa ngatatu wa chaka chinu wa Akaboni aku Yehova.
MAUNGANU NGAKULUNGAKULU
Vo Ve Museŵeru Lakuti: Ukweru Chayiwu wa Charu
Woneriyani vo ve mu Chigaŵa Chakwamba, museŵeru lakuti Nkhani Yakukwaskana ndi Uteŵeti Waku Yesu. Chigaŵa chenichi chamuwoneseka pa unganu wa chigaŵa wa 2024.
