1 | Pempheru—‘Muponyiyeni Chiuta Vosi vo Vitikufipiskani Mtima’
BAYIBOLU LIKAMBA KUTI: “Muchiponya paku [Chiuta] vosi vo vitikufipiskani mtima, chifukwa iyu watikuŵanaŵaniyani.”—1 PETURO 5:7.
Kumbi Lemba Ili Ling’anamuwanji?
Yehova Chiuta watitikambiya kuti timukambiyengi chechosi cho chititifipiska mtima kweniso kutisuzga maŵanaŵanu. (Salimo 55:22) Suzgu yeyosi kwali njikulu pamwenga njimana titenere kumukambiya Yehova. Asani suzgu lo ndakukhumbika kwaku isi, mbwenu ndakukhumbika so kwaku Yehova. Kupemphera kwaku Yehova kungatiwovya kuti tisaniyi chimangu cha mumtima.—Afilipi 4:6, 7.
Mo Venivi Vingatiwovye
Asani titama matenda ngakusuzgika maŵanaŵanu, tingajivwa nge kuti te tija. Ŵanthu anyaki angavwisa cha vo vititichitikiya. (Nthanthi 14:10) Kweni asani titimukambiya Chiuta kutuliya pasi pa mtima mo tivwiya, tiziŵa kuti iyu watitivwisa kweniso watitichitiya lisungu. Yehova watitiwona, waziŵa mo vititiŵaŵiya mumtima kweniso masuzgu ngo tikumana nangu ndipu wakhumba kuti timukambiyengi chechosi cho chititifipiska mtima.—2 Mbiri 6:29, 30.
Kupemphera kwaku Yehova kutitiwovya kuti tigomezgengi ukongwa kuti watitiŵanaŵaniya. Nasi tingavwa nge wa masalimo yo wangupemphera kuti: “Yimwi mwawona kusuzgika kwangu; ndipuso muziŵa umampha mo ndisuzgikiya maŵanaŵanu.” (Salimo 31:7) Kuziŵa ŵaka kuti Yehova wawona masuzgu ngo tikumana nangu kungatiwovya kuti tilutirizgi kukunthiyapu masuzgu ngidu. Kweni iyu wachita vinandi kuluska ŵaka kuwona masuzgu ngidu. Kuluska munthu weyosi, iyu wavwisa umampha masuzgu ngidu ndipu watitipembuzga kweniso kutichiska kuziya mu Bayibolu.
Mungayanja Kuŵerenga so Nkhani Izi
CHIGONGWI CHA MLINDA
Kumbi Mungapemphera Wuli Kuti Chiuta Wavwengi Mapempheru Nginu?
Mukambiskanengi ndi Chiuta kwekosi ko muli kweniso pa nyengu yeyosi, mwakukweza pamwenga mwachisisi. Yesu wakutiwovya so kuziŵa vo tingakamba.
KUKONKHOSKA MAVESI NGA MU BAYIBOLU
Kukonkhoska Lemba la Yesaya 41:10—“Ungawopanga Cha, Pakuti Nde Nawi”
Yehova wanguwereza fundu yimoza mu nthowa zakupambanapambana kuti waŵasimikiziyi kuti waŵawovyengi.
ESSENTIAL BIBLE TEACHINGS
Kumbi Chiuta Watuvwa Mapempheru Ngosi?
Kumbi Chiuta wangavwa pempheru la munthu wambunu? Nanga wuli asani munthurumi wachitiya nkhaza muwolu waki, mbwe pavuli paki wapemphera kuti Chiuta wamutumbiki?
VO ACHINYAMATA AFUMBA
Ntchifukwa Wuli Ndikhumbika Kupemphera?
Kumbi pempheru litovya ŵaka kuti mtima uje mumalu pamwenga litovya so mu nthowa zinyaki?
CHIGONGWI CHA MLINDA
Kumbi Chiuta Watuvwa Mapempheru Ngidu?
Bayibolu lititisimikizgiya kuti Chiuta watitivwisiya asani tipemphera kwaku iyu mu nthowa yakwenere.
VAKUKWASKANA NDI ISI
Pemphani Kuti Musambirengi Bayibolu
Kambiskanani fumbu la mu Bayibolu pamwenga ziŵani vinandi vakukwaskana ndi Akaboni aku Yehova.
