South Korea

• Muchifuku ku Korea kunguwa chivuwa chikulu ukongwa cho chechandichitikepu

• Chivuwa chenichi chinguchitiska kuti maji ngasapaliyi kweniso charu chigumuki

• Apharazgi 16 angutuwaku dankha ku nyumba zawu

• Nyumba 30 zingunangika

• Nyumba za Ufumu 19 zingunangika

• Nthambi ya ku Korea yingunozga Makomiti ngatatu Ngakovya pa Masoka (DRCs)

• Makomiti Ngakovya pa Masoka ndipuso akuwonere madera agwiriya limoza ntchitu ndi ŵara pakovya abali ndi azichi ŵidu wo akwaskika

• Ntchitu yakutowesa kweniso kunozga nyumba za abali ndi Nyumba za Ufumu zo zingunangika yichitika

• Mutawuni ya Gurye, ko kwenga chivuwa chikulu, Mubali Min-seong Lee ndi muwolu waki angutuwaku kunyumba kwawu ndipu angusiya vinthu vawu vosi. Maji nganguzaza munyumba yawu. Komiti Yakovya pa Masoka yati yayamba kugwira ntchitu, yingunozga nyumba ya mubali Lee kweniso yingumupasa vinthu vakukhumbikiya. Abali wo ateŵetiyanga Mukomiti Yakovya pa Masoka angumupembuzga kweniso kuŵachiska ndi Malemba. Chinanga kuti banja ili lingulonde chovyu, Mzichi Lee wangukamba kuti: “Ndiwonga ukongwa chovyu cho abali angupereka. Vosi vo anguchita venga vakuziziswa. Yiwu aphweriyanga nyumba yangu nge kuti aphwere nyumba zawu. Mbuneneska kuti tikuluza vinthu vinandi, kweni kukamba uneneska ndasaniya vinthu vinandi kuphala vo ndikuluza.”

Titimuwonga Yehova, “Chiuta wakupembuzga ukongwa,” yo walutirizga kuphwere abali ndi azichi ŵidu ku Korea munyengu yakuzuzga iyi.—2 Akorinto 1:3, 4.