Muli Bwasanu, 24 February, 2023, wakakwana munyaka kuzwa niyakasanguna nkondo yaku-Ukraine. Kuyeeyelwa kuti masoja aku-Ukraine aRussia asika 300,000 akajeegwa naakuti kuchiswa alubo bantu basika 30,000 bakajeegwa aakambo kankondo eeyi. Pesi namba yabantu bakajeegwa ilakonzya kwiindaawa.

 Chiwusisya nchakuti takukwe bulangilizi bwakuti nkondo eeyi izoomana chakufwambaana.

•   Mu 19 February 2023, NPR (National Public Radio) yakaamba kuti: “Kwaamba kusika munyaka kuzwa chiindi Russia niyakasaanguna kulwana a-Ukraine pesi taakwe chitondeezya kuti nkondo eeyi yaba afwiifwi kumana. Alubo taakwe chitondeezya kuti njiili nyika iyoozunda akuti ndiliili mpubayooyimikizya kulwana.”

 Bantu biingi bali kupenga akukatazikana loko akaambo kankondo zili mbuli eeyi, zyeeta mapenzi kubantu batakwe mulandu munyika yoonse mbiizulwa. Bbayibbili litupa bulangilizi na? Nkondo zizoomana na?

 Bbayibbili lyaambuula atala ankondo iyoogwasya bantu kutali kubanyonyoona pe. Nkondo eeyo itegwa Amagedoni alubo yaambwa kuti “nkondo yabuzuba bupati bwaLeza Singuzuzyoonse.” (Chiyubunuzyo 16:14, 16) Leza uzoobelesya Amagedoni kuti amanisye mfulumende zyabantu mbukunga nzizyo zyapa kuti kube nkondo ziinji. Kuti ujane makani miingi atala aluumuno luyoobawo akaambo kankondo ya-Amagedoni, bala ziiyo zitobela:

•   “Nkondo ya-Amagedoni Niinzi?”

•   “Makani Mabotu Atala Amagedoni!”