Intembauzyo 12:1-8
-
Jehova wanyamuka akubweza ntaamu
-
Majwi aa Leza alasalala (6)
-
Kumweendelezi wanyimbo; lwiimbwe kweelana atyuni ya Seminiti.* Lwiimbo lwa Davida.
12 Kondifwutula, O Jehova, nkaambo muntu uusyomeka taciko;Bantu basyomeka baloba akati kabantu.
2 Baambilana zyakubeja;Balaupaika amilomo yabo* akwaambaula amyoyo yobilo.+
3 Jehova uyookosola milomo yoonse yuupaika,Amulaka waamba majwi aakulikankaizya,+
4 Aabo baamba kuti: “Tuyoozunda amilaka yesu.
Tubelesya milomo yesu kwaamba kufwumbwa ncotuyanda;Ino nguni uukonzya kutweendelezya?”+
5 “Akaambo kakuti bantu bapengede baladyaamininwa,Akaambo kakutongela kwabacete,+Ndilanyamuka akubweza ntaamu,” mbwaamba Jehova.
“Ndilabafwutula kuli baabo babasampaula.”*
6 Majwi aa Jehova alasalala;+Ali mbuli nsiliva yasalazyigwa mubbibi lyamulilo lyabulongo,* iisalazyidwe ziindi zili ciloba.
7 Yebo uyoobalinda, O Jehova;+Uyoomukwabilila umwi aumwi wabo kutalikila kuzyalani eeli mane kukabe kutamani.
8 Basizibi balalyeendela koonse-koonseNkaambo bana babantu basumpula bukkale bubi kapati.+
Bupanduluzi buyungizyidwe
^ Amubone Bupanduluzi Bwamabala.
^ Mu Chihebrayo, “Balaambaula amilomo myuuba-uba.”
^ Naa “babafwubaazya.”
^ Naa ambweni, “mubbibi lyamulilo libikkidwe ansi.”
