Intembauzyo 80:1-19
Kumweendelezi wanyimbo; lwiimbwe mbuli lwiimbo lwa “Mpana.” Ciibalusyo. Intembauzyo ya Asafu.+ Lwiimbo.
80 O Mweembezi wa Israyeli, koswiilila,Yebo oosololela Josefa mbuli butanga.+
Yebo ookkede acuuno cabwami atala* lyabakerubi,+Komweka.*
2 Kumbele lya Efraimu, Benjamini alimwi a Manase,Kotondezya nguzu zyako;+Koboola uzootufwutule.+
3 O Leza, kotujola mbotwakabede;+Komwesya busyu bwako alindiswe, kutegwa tufwutuke.+
4 O Jehova Leza wamakamu, ino mupailo wabantu bako ulaunyemena kusikila lili?+
5 Wabasanina misozi mbuli kuti ncinkwa,Alimwi wabapa kunywa misozi iitalivwulili.
6 Walekela basimukoboma kuti kababwesyanya akaambo kandiswe;Basinkondoma baluujisi kutusampaula mbuli mbobayanda.+
7 O Leza wamakamu, kotujola mbotwakabede;Komwesya busyu bwako alindiswe, kutegwa tufwutuke.+
8 Yebo wakalonzya musaansa+ kuzwa mu Egepita.
Wakatanda masi mpoonya wakausimpa.+
9 Wakaubambila busena,Eelyo walo wakasimpa miyanda akuzula mucisi.+
10 Malundu akavwumbwa acimvwule canguwo,Aalo masamu aakkedari aa Leza akavwumbwa amitabi yanguwo.
11 Mitabi yanguwo yakakomena kusikila kulwizi,Atusyuukila twanguwo kusikila ku Mulonga.*+
12 Ino nkaambo nzi ncoomwaya lubaya lwawo lwamabwe lwamuunda wamisaansa,+Cakuti basimweendanzila boonse baile kucela micelo yanguwo?+
13 Basicipongo* bamuzyoonde baluujisi kuunyonyoona,Alimwi banyama bamusyokwe baluujisi kuulya.+
14 Akaka kopiluka, O Leza wamakamu.
Kolanga ansi kuzwa kujulu ubone!
Koulanganya musaansa ooyu,+
15 Icisiko eeco ncookasimpa ajanza lyako lyalulyo,+Alimwi kolanga mwanaako* ooyo ngookayumya kutegwa yebo ulemekwe.+
16 Wagonkwa akuumpwa amulilo.+
Balaloba akaambo kakunyemenwa anduwe.*
17 Janza lyako alimugwasye muntu uuli kujanza lyako lyalulyo,Mwanaamuntu ngooyumya kutegwa yebo ulemekwe.+
18 Aboobo kunyina notuyookufwutatila.
Kotubamba kuti tuzumanane kupona, kutegwa tukonzye kwiita zina lyako.
19 O Jehova Leza wamakamu, kotujola mbotwakabede;Komwesya busyu bwako alindiswe, kutegwa tufwutuke.+
Bupanduluzi buyungizyidwe
^ Naa ambweni, “akati.”
^ Naa “Kotondezya mumuni wako.”
^ Nkokuti, Mulonga wa Firate.
^ Bamwi baamba kuti “bankuntula.”
^ Naa “mutabi.”
^ Mu Chihebrayo, “kabukali bwakubusyu bwako.”
