Jobu 10:1-22
10 “Buumi bwangu bwandicima.+
Ndilatongooka.
Ndilaamba kandipengede mumoyo!
2 Ndilaambila Leza kuti: ‘Utandipi mulandu.
Kondaambila kaambo ncondilwana.
3 Sena cilakugwasya kupenzya,Kusampaula milimo yamaanza aako+Kumwi kokkomanina lulayo lwababi?
4 Sena ujisi meso aabantu,Alimwi sena zintu uzibona mbuli mbwazibona muntu uulya maila?
5 Sena mazuba aabuumi bwako ali mbuli mazuba aabantu,Alimwi sena myaka yabuumi bwako ili mbuli yamuntu,+
6 Cakuti kondiyandawida mulanduAkuti kozumanana kundiyandawida cibi?+
7 Yebo lwako ulizyi kuti tandijisi mulandu pe;+Akuti kunyina muntu uukonzya kundivwuna kujanza lyako.+
8 Maanza aako ngaakandibumba akundipanga,+Pele lino uyanda kundinyonyoona cakumaninina.
9 Akaka koyeeya kuti wakandibumba kuzwa kubulongo,+Pele lino uyanda kundipilusya kubulongo.+
10 Sena tiiwakanditila mbuli mukupaAkundiminununa mbuli cipwaza?
11 Mpoonya wakandisamika nyama alukanda,Alimwi wakanunganya mafwuwa alimwi amilambi yangu antoomwe.+
12 Wandipa buumi akunditondezya luyando lutamani;Alimwi wabamba muuya* wangu kwiinda mukundilanganya.+
13 Pele mumoyo wako wakajisi makanze aakucita zintu eezyi.*
Ndilizyi kuti zintu eezyi zizwa kulinduwe.
14 Ikuti ndabisya ulakonzya kundibona+Alimwi tokonzyi kundilekelela mulandu wangu.
15 Ikuti naa ndilaamulandu, nkokuti maawe kulindime!
Alimwi nokuba kuti ndinyina mulandu, tandikonzyi kwiintamuka pe,+Nkaambo masampu alindijisi alimwi ndapenga kapati.+
16 Ikuti ndasola kwiintamuka, yebo inga wandivwima mbuli syuumbwa+Akutondezya nguzu zyako alimwi, kwiinda mukundilwana.
17 Yebo ulaleta bakamboni bapya kuti bandipe mulanduAkukomezya bukali bwako kulindime,Nendisikilwa mapenzi aatungana mulongo.
18 Aboobo nkaambo nzi ncookandigwisya mwida?+
Nendakafwa buyo nketanabonwa aliso noliba lyomwe.
19 Nicakaba buyo mbuli kuti taakwe nindakaponede;Kuzwa mwida nendakaindilila buyo kutolwa kucuumbwe.’
20 Sena mazuba aangu taali masyoonto buyo?+ Kandileka;Kaleka kundilangisya, kutegwa ndipumune*+
21 Nenditanaunka ooko nkonditakapiluki,+Kunyika yamudima uusiya mbi,+
22 Kunyika yamudima walo-walo,Kunyika yamudima uusiya mbi alimwi yamanyongwe,Ooko kutakwe mumuni nuuceya, pele buyo mudima.”
Bupanduluzi buyungizyidwe
^ Naa “muya; buumi.”
^ Mu Chihebrayo, “Alimwi zintu eezyi wakazisisa mumoyo wako.”
^ Naa “ndikkomane asyoonto.”
