Jobu 12:1-25
12 Mpoonya Jobu wakavwiila kuti:
2 “Masimpe nywebo ndendinywe bantu bajisi luzyibo,*Alimwi busongo buyoofwa antoomwe andinywe!
3 Pele andime ndilaamaano.*
Tamundiindi pe.
Ino ngwani utazizyi zintu eezyi?
4 Ndaba cintu cisesya kubeenzuma,+Ndiita Leza kuti andivwiile.+
Muntu uululeme alimwi uunyina kampenda ncintu cisesya kuli bamwi.
5 Muntu uuliibide ulanyansya mapenzi,Uyeeya kuti abambilidwe buyo baabo badadalika.*
6 Matente aababbi ali muluumuno,+Abalo aabo ibamunyemya Leza baliliibide,+Aabo ibajisi leza mumaanza aabo.
7 Pele kobuzya banyama, eelyo balakuyiisya;Abayuni bauluka mujulu, eelyo balakwaambila.
8 Naa kobikkila maano* kunyika, eelyo ilakuyiisya;Answi zyamulwizi zilakupandulwida.
9 Ino ncili akati kazyeezyi zyoonse icitazyiKuti janza lya Jehova ndilyacita boobu?
10 Mujanza lyakwe momuli buumi bwacintu coonse cuumiAmuuya* wabantu boonse.*+
11 Sena kutwi takusoli majwiMbubonya mulaka* mboulabila cakulya?+
12 Sena busongo tabujanwi kubantu bacembeede,+Alimwi sena maano taabooli akaambo kakupona myaka minji?
13 Walo nguujisi busongo anguzu;+Nguujisi lulayo amaano.+
14 Ikuti naa wamwaya cintu cimwi, tacikonzyi kuyakululwa pe;+Eeco ncaajala, kunyina muntu uukonzya kucijalula.
15 Ikuti walesya maanzi, zintu zyoonse zilayuma;+Ikuti waatuma, nyika iba cilobe.+
16 Walo nguujisi nguzu abusongo bugwasya;+Ngomukamwini yooyo uusweeka ayooyo uusowa bamwi;
17 Nguupa kuti basikupa lulayo beende azimpata,*Alimwi nguupa kuti babetesi babe bafwubafwuba.+
18 Ulatebezya nketani zyabaabo ibaangwa abami,+Alimwi ulabaanga lutambo mucibuno.
19 Nguupa kuti bapaizi beende azimpata,+Alimwi aabo bakkalilila mubweendelezi ulabaatula;+
20 Basilulayo basyomwa ubapa kubula majwi aakwaambaAbalo bamanene* ulabanyanga maano;
21 Ulabapoomweda masampu bantu balemekwa,+Abalo basinguzu ubapa kubula nguzu;*
22 Nguuyubununa zintu zisisidwe mumudima,+Alimwi nguuleta atuba zintu zili mumudima uusiya mbi;
23 Nguupa kuti masi abe anguzu, kutegwa aanyonyoone;Nguupa kuti masi akomene, kutegwa aatole mubuzike;
24 Nguulobya maano* aabasololi babantuAkubapa kwiingaila muzimpayuma imunyina nzila.+
25 Balaampaampa mumudima,+ mubusena butakwe mumuni;Ulabapa kudadalika mbuli bantu bakoledwe.+
Bupanduluzi buyungizyidwe
^ Mu Chihebrayo, “nywebo ndendinywe bantu.”
^ Mu Chihebrayo, “ndilijisi moyo.”
^ Naa “batezemuka.”
^ Naa ambweni, “koambaula.”
^ Naa “Amuya.”
^ Mu Chihebrayo, “wamubili woonse wamuntu.”
^ Mu Chihebrayo, “cilakula.”
^ Naa “banyangwe zintu zyoonse.”
^ Naa “baalu.”
^ Mu Chihebrayo, “Alimwi ulatebezya lutambo lwabasinguzu.”
^ Mu Chihebrayo, “moyo.”
