Jobu 26:1-14
26 Mpoonya Jobu wakaamba kuti:
2 “Eelo kaka wamugwasya muntu uutajisi nguzu!
Ee buya wavwuna janza litajisi nguzu!+
3 Eelo kaka wamupa maano muntu uutajisi busongo!+
Alimwi wapa kuti bantu banji bazyibe busongo bugwasya!
4 Ino nguni ngosola kwaambila,Alimwi ino muuya wani wakupa kwaamba boobo?*
5 Aabo bazundwa alufwu balakankama;Bali kunsi aamaanzi alimwi azyeezyo zikkala mumo.
6 Cuumbwe* cilaantangalala kumbele lya Leza,+Abwalo busena bwalunyonyooko* tabuvwumbidwe pe.
7 Ulayala julu nkolili kunyika abusena butakwe cintu,+Akwaanzika nyika aatakwe cintu;
8 Ulavwungaila maanzi mumakumbi aakwe,+Kutegwa makumbi ataanduki akaambo kakulema kwangawo;
9 Ulavwumba cuuno cakwe cabwami kutegwa citalibonyi,Kwiinda mukuyala kkumbi lyakwe atala lyaco.+
10 Ulabikka mubalo atala aamaanzi manji;+Ulapanga munyinza akati kamumuni amudima.
11 Misemu yajulu ilazungaana;Ilagambwa akaambo kakukalalilwa anguwe.
12 Ulavwundaula lwizi anguzu zyakwe,+Alimwi mubusongo bwakwe ulapwayaula cilenge camulwizi.*+
13 Ulamwaya makumbi aakujulu amuya* wakwe;Janza lyakwe lilayasa nzoka iisweemuka.
14 Bona! Eezyi mayaayila buyo aanzila zyakwe;+Alimwi nzyetwamvwa nkuvwiya-vwiya buyo kwamakani aajatikizya nguwe!
Aboobo ino nguni uukonzya kumvwisya muzumo wakwe wanguzu?”+
Bupanduluzi buyungizyidwe
^ Mu Chihebrayo, “ino muya (muuya) wani iwazwa mulinduwe.”
^ Naa “Cikkalilo Cabafwu.” Amubone Bupanduluzi Bwamabala.
^ Naa “Abadoni.”
^ Mu Chihebrayo, “ulapwayaula Rahabu.”
^ Naa “amuwo.”
