Lwiimbo Lwa Solomoni 1:1-17
-
Lwiimbo lwiinda nyimbo zyoonse (1)
-
Musimbi (2-7)
-
Bana basimbi bamu Jerusalemu (8)
-
Mwami (9-11)
-
“Tulakupangila zilisakatizyo zyangolida” (11)
-
-
Musimbi (12-14)
-
“Muyandwa wangu uli mbuli kakomo katununkilizyo twamuro” (13)
-
-
Mweembezi (15)
-
“Uli mubotu, yebo omuyandwa wangu”
-
-
Musimbi (16, 17)
-
“Uli mubotu, yebo omuyandwa wangu” (16)
-
1 Ndoolu lwiimbo lwiinda nyimbo zyoonse, ilwiimbo lwa Solomoni:+
2 “Kondimyonta amyonto zyamulomo wako,Nkaambo luyando ndotondezya ndubotu kwiinda waini.+
3 Kununkilila kwamafwuta aako nkubotu.+
Izina lyako lili mbuli mafwuta aanunkilila aatilwa.+
Ncobakuyandila basimbi.
4 Konditola;* atutije.
Mwami wandinjizya mumaanda aakwe aamukati!
Atukondwe akusekelela antoomwe.
Atutembaule* luyando ndotondezya kwiinda waini.
Nkakaambo kaako basimbi ncobakuyanda.
5 Ndikasimbi kasiya, pele kabotu, nobana basimbi bamu Jerusalemu,Ndili mbuli matente aa Kedara,+ mbuli milembo+ yakumatente aa Solomoni.
6 Mutandilangi akaambo kakuti ndilasiya,Nkaambo zuba lyakanduumpa.
Banabokwesu basankwa bakandinyemena;Bakandibikka kuti kandilanganya myuunda yamisaansa,Pele muunda wangu wamisaansa tiindakaulanganya pe.
7 Kondaambila, yebo omuyandwa wangu,Nkoembelela butanga bwako,+Nkotola butanga kuti bubuwe ciindi camasyikati.
Ino nkaambo nzi ncondeelede kuba mbuli mukaintu uulivwumbide mulembo kumutwe*Akati kamatanga aabeenzinyoko?”
8 “Ikuti naa tozyi, yebo omusimbi weebeka kapati akati kabamakaintu,Koya omukamwini koyaabutobelezya mikondo yabutangaUkeembele twana twampongo zyako kumbali aamatente aabeembezi.”
9 “Yebo omusimbi wangu ooyandwa, ndakukozyanisya abbiza lizyazi* akati kankalaki zya Farao.+
10 Masaya aako aboneka kabotu akaambo kazilisakatizyo,*Nsingo yako iboneka kabotu akaambo kabulungu mbosamide.
11 Tulakupangila zilisakatizyo zyangolidaZibikkidwe nsiliva.”
12 “Mwami nakkede kutebulu lyakwe lili mbuli mubalo,Mafwuta aangu aanunkilila*+ alagusya bweema bwangawo.
13 Kulindime, muyandwa wangu uli mbuli kakomo katununkilizyo twamuro+Ikali akati kankolo zyangu masiku.
14 Kulindime, muyandwa wangu uli mbuli cikama cacisyango cahena+Akati kamyuunda yamisaansa yaku Eni-gedi.”+
15 “Langa! Eelo kaka uli mubotu, yebo omusimbi wangu ooyandwa.
Langa! Eelo kaka uli mubotu. Meso aako ali mbuli meso aanziba.”+
16 “Langa! Ayebo uli mubotu, yebo omuyandwa wangu, alimwi ulakondelezya.+
Bulo bwesu buli akati kamatuvwu mateteete.
17 Misemu yaŋanda* yesu njazisamu zyakkedari,Masomo ngazisamu zyamulombe.
Bupanduluzi buyungizyidwe
^ Mu Chihebrayo, “Kondikwelela kulinduwe.”
^ Naa “Atwaambe zya.”
^ Naa “citambala camalila.”
^ Naa “kubbiza lyangu lizyazi.”
^ Naa ambweni, “akati kamasusu aako malamfwu aawosedwe.”
^ Mu Chihebrayo, “nardo.”
^ Naa “yaŋanda mpati.”
