Mika 4:1-13
4 Kumamanino aamazuba aayo,Cilundu caŋanda ya Jehova+Ciyakwiimikwa nji kwiindilila atala eeni aamalundu,Alimwi ciyoosumpulwa kwiinda tulundu-lundu toonse,Eelyo bantu bayoowuumukila kulincico.+
2 Alimwi masi manji ayakweenda akwaamba kuti:
“Amuboole, atweende tutante cilundu ca JehovaAkuŋanda ya Leza wa Jakobo.+
Walo uyootuyiisya nzila zyakwe,Eelyo tuyakweenda munzila zyakwe.”
Nkaambo mu Ziyoni muyoozwa mulawo,*Amwalo mu Jerusalemu muyoozwa jwi lya Jehova.
3 Uyookosola makani akati kabantu banji+Akululamika twaambo tujatikizya masi alaanguzu aali kule.
Bayoofwula mapanga aabo kuba maamba aakulimyaAmasumo aabo kuba zyakukwezuzya zisamu.+
Cisi tacikanyamuni panga kulwana cisinyina,Alimwi tabakaiyi limbi nkondo pe.+
4 Bayookkala umwi aumwi munsi lyamusaansa wakwe amunsi lyamukuyu wakwe,+Alimwi takukabi muntu naba omwe uuyoobayoosya,+Nkaambo majwi aaya azwa kumulomo wa Jehova wamakamu.
5 Nkaambo misyobo yoonse yabantu iyakweenda umwi aumwi muzina lyaleza wanguwo,Pele swebo tunakweenda muzina lya Jehova Leza wesu+ lyoonse alyoonse mane kukabe kutamani.
6 “Mubuzuba oobo,” mbwaamba Jehova,“Ooyo wakali kusunkuta ndiyoomubunganya,Awalo ooyo wakamwaisyigwa ndiyoomuyobolola,+Antoomwe abaabo mbondakauma.
7 Ooyo wakali kusunkuta ndiyoomupa kuba akati kabasyeede,+Awalo ooyo wakatandilwa kule ndiyoomupa kuba cisi canguzu;+Eelyo Jehova uyoobeendelezya kali mwami mu Cilundu ca Ziyoni,Kuzwa lino mane kukabe kutamani.
8 Lino yebo ongazi yabutanga,Ocilundu camwana musimbi wa Ziyoni,+Masimpe buyoosika kulinduwe, ibweendelezi bwakusaanguna buyoosika,+Ibwami bwamwana musimbi wa Jerusalemu.+
9 Nkaambo nzi ncoile kukwiila?
Sena tojisi mwami,Naa sena sikukulaya waloba,Cakuti yebo wamyongwa mbuli mukaintu uutumbuka?+
10 Myongosana akutongela, yebo omwana musimbi wa Ziyoni,Mbuli mukaintu uutumbuka,Nkaambo lino yebo ulazwa mumunzi akuyookkala musyokwe.
Uyoosika nokuba ku Babuloni,+Ooko nkonkuko nkoyoovwunwa;+Nkomunya ooko Jehova uyookunununa kuzwa kumaanza aabasinkondonyoko.+
11 Aciindi cino bantu bamasi manji balabungana kuti bakulwane;Balaamba kuti, ‘Amumuleke asofwaazyigwe,Alimwi amuleke meso eesu alibonene mbocitiicitike eeci kuli Ziyoni.’
12 Pele bantu aabo tabaizyi mizeezo ya Jehova,Tabaamvwisyi makanze aakwe;*Nkaambo walo uyoobabunganya antoomwe mbuli misunta yamaila aazwa akutebulwa aatolwa kulubuwa lwakuumina maila.
13 Konyamuka, uume maila, yebo omwana musimbi wa Ziyoni;+Nkaambo meja aako ndilaasandula kuba butale,Azyalo nsumba zyako ndilazisandula kuba mukuba,Eelyo uyoopwayaula bantu banji.+
Mpindu zyabo nzyobajana cabumpelenge uyoozyaaba kuli Jehova,Alwalo lubono lwabo uyoolwaaba ku Mwami mwini-mwini wanyika yoonse mboizulwa.”+
