Website ya Haaretz.com. yaamba kuti bana “bazyalwa abulema bwalo bwakali kukonzya kuzyibwa kabatanazyalwa, tabacibapi mulandu basilisi akaambo kukutabajaya kabatanazyalwa.” Nokuba boobo, bazyali balakonzya kupa basilisi mulandu akaambo kakubalekela kuti bana balemene batumbukwe, kutegwa bababbadele mali ngobakabelesya kukomezya mwana uulemene.

Mucisi ca Australia, 80 pesenti yabanabukwetene, tabakwetene mumulawo pe.

Lipooti yakapegwa amutabi waku Greece uulanganya nseba, itondezya kuti mweelwe wabantu bakalijaya mucisi eeci mumyezi yosanwe yakusaanguna mu 2011 wakayungizyigwa a 40 pesenti kwiinda mbowakabede mumyezi yosanwe yakusaanguna mu 2010. Imweelwe wabantu balijaya wakayungizyigwa ciindi nceena nikwakaba penzi lyakubula mali mu 2011.

Lipooti iyakazwa kumbunga iitegwa Natural Resources Defense Council yakaamba kuti zyakulya zisika ku 40 pesenti mucisi eeci zilanyonyooka. Mucikozyanyo, kuyeeyelwa kuti 7 pesenti yazyakulya zilimwa tazitebulwi, akuti 17 pesenti yazyakulya nzyobaula muzintoolo mobasambalila zyakulya taziligwi alimwi akuti mikwasyi ilasowa 25 pesenti yazyakulya nzyobaula.

Naluntaambwe wiinda kuceya munyika yoonse wakajanwa ino-ino mucisi ca Madagascar. Naluntaambwe ooyu ulalampa mamilimita aali 29 buyo, muniini kapati cakuti ulakonzya kukkwana alwala lwamuntu. Akaambo kantenda zili mubusena mokakkala, aaka kanyama kalalangilwa kuloba.