Mabala aakuti “kuzyalwa alimwi” aamba matalikilo aacilongwe akati ka Leza amuntu ooyo wazyalwa alimwi. (Johane 3:​3, 7) Aaba ibazyalwa alimwi baba bana ba Leza. (Baroma 8:​15, 16; Bagalatiya 4:5; 1 Johane 3:1) Baba cibeela camukwasyi wa Leza, mbubwenya buyo mbuli baabo ibaba cibeela camukwasyi umwi.​—2 Bakorinto 6:​18.

Nkaambo nzi muntu ncazyalwa alimwi?

 Jesu wakaamba kuti: “Muntu takonzyi kubona Bwami bwa Leza ccita kuti wazyalwa alimwi.” (Johane 3:3) Aboobo kuzyalwa alimwi kupa muntu kulibambila kuyoolela antoomwe a Kristo mu Bwami bwa Leza. Bwami oobu bulalela kuzwa kujulu, aboobo Bbaibbele lipandulula “kuzyalwa kupya” kuti kupa lukono ‘luyobwedwe kujulu.’.” (1 Petro 1:​3, 4) Aabo bazyalwa alimwi balijisi bumboni bwakuti ‘bayoolela a Kristo kabali bami.’​—2 Timoteyo 2:​12; 2 Bakorinto 1:​21, 22.

Mbuti muntu mbwazyalwa alimwi?

 Ciindi Jesu naakali kubandika makani aaya, wakaamba kuti aabo bazyalwa alimwi ‘bayoozyalwa mumaanzi amumuuya.’ (Johane 3:5) Majwi aaya aamba kubbapatizyigwa mumaanzimpoonya akubbapatizyigwa amuuya uusalala.​—Milimo 1:5; 2:​1-4.

 Jesu nguwakasaanguna kuzyalwa alimwi. Wakabbapatizyigwa mu Mulonga wa Jordano, kumane Leza wakamunanika (naa, kumubbapatizya) amuuya uusalala. Aboobo Jesu wakazyalwa alimwi kali mwana wa Leza wamuuya kajisi bulangizi bwakuyoopona alimwi kujulu. (Marko 1:​9-​11) Leza wakabuzuzikizya bulangizi oobu kwiinda mukumubusya Jesu kali cilenge camuuya.​—Milimo 13:33.

 Aabo ibazyalwa alimwi abalo balabbapatizyigwa mumaanzi kabatanatambula muuya uusalala. a (Milimo 2:​38, 41) Aboobo balaba abulangizi bwabuumi bwakujulu, bwalo Leza mbwayoozuzikizya baakubusyigwa.​—1 Bakorinto 15:42-​49.

Mizeezo iitaluzi kujatikizya kuzyalwa alimwi

 Muzeezo uutaluzi: Muntu ulakonzya kusala kuzyalwa alimwi.

 Muzeezo uuluzi: Coolwe cakuba acilongwe a Leza alimwi akuyoofwutukancabantu boonse. (1 Timoteyo 2:​3, 4; Jakobo 4:8) Nokuba boobo, Leza nguusala baabo ibazyalwa alimwi, naa ibananikwa amuuya uusalala. Kweelana ancolyaamba Bbaibbele, kuzyalwa alimwi takuyeeme ‘akulombozya kwamuntu naa kusolekesya kwakwe, pele Leza nguusala.’ (Baroma 9:​16) Majwi aakuti “kuzyalwa alimwi” alakonzya kwaambwa kuti “wazyalwa kuzwa kujulu,” kutondezya kuti kusalwa kwabaabo ibazyalwa alimwi kuzwa “kujulu” naa kuti ngu Leza uusala.​—Johane 3:3, bupanduluzi buyungizyidwe.