SENA CAKALENGWA BUYA?
Nkonkolekwa Iitegwa Cabbage White Iijalula Mababa Mbuli V
Nkonkolekwa isyoma kukasaala kwazuba kutegwa milambi ibe anguzu zyakucikonzya kuuluka. Pele ciindi nokuli makumbi, nkonkolekwa iitegwa cabbage white ilafwambaana kuuluka kwiinda nkonkolekwa zimbi. Ino icikonzya buti kucita boobo?
Amubone: Kazitanatalika kuuluka, bunji bwankonkolekwa zisaanguna kuyotela zuba mababa kaatandabede naa kaavwungidwe. Nokuba boobo, nkonkolekwa iitegwa cabbage white ilaajalula mababa aanjiyo mbuli V. Buvwuntauzi butondezya kuti ilaajula mababa mbuli V kutegwa kukasaala ikweelede kunjile. Kucita boobo kupa kuti kukasaala kufwambaane kusika kumilambi, aboobo yakasaalilwa ilacikonzya kuuluka.
Basikuvwuntauzya kuyuniveziti yaku Exeter, England, balimukusola naa inga bacikonzya kupanga ma solar aali mbuli V kwiiya nkonkolekwa eeyi. Kwiinda mukucita boobo, bakajana kuti magesi aakapangwa akayungizyika a 50 pesenti.
Alimwi bakajana kuti bbaba lyankonkolekwa mpolili aatala lilatowa kuti lyaumwa azuba. Kwiinda mukwiiya mababa aankonkolekwa aali mbuli V alimwi ambolipangidwe bbaba, basikuvwuntauzya bapanga ma solar aatalemi alimwi aabeleka kabotu kapati. Eeci cakapa kuti Syaazibwene Richard ffrench–Constant iwakali akati kabasikuvwuntauzya aambe kuti nkonkolekwa iitegwa cabbage white “ilicibwene kupanga magesi kuzwa kuzuba.”
Ino muyeeya buti? Sena nkonkolekwa iitegwa cabbage white iijalula mababa mbuli V yakabako akaambo kakusanduka naa yakalengwa buya?
Andiza Inga Mwaakkomanina Ayaaya
SINSIMUKA!
Ibbaba Lyankonkolekwa Iliyobola Mumuni
Kuli zintu zinji zijatikizyidwe kwiinda buyo mubala uusiya wamababa aankonkolekwa.
SINSIMUKA!
Ibbaba lya Nkonkolekwa
Mpolili atala ibbaba lyakauka aaka kulilanga buyo ameso liboneka mbuli kuti talijisi magunyugunyu, pele lilijisi tukwa tupetedwe-petedwe tukonzya kubonwa buyo kuti mwabelesya muncini uubelesyegwa kulanga tuntu tusyoonto-syoonto. Ino tukwa ootu tujisi mulimo nzi?