Buk Song 100:1-5
Wanpela song bilong tok tenkyu.
100 Yupela ol manmeri bilong graun, yupela amamas na singaut na litimapim nem bilong Jehova.+
2 Yupela i mas amamas na lotu long Jehova.+
Na yupela singim song bilong amamas na go klostu long em.
3 Yupela i mas save* olsem Jehova, em wanpela tasol i God.+
Em i bin wokim yumi, olsem na yumi bilong em.*+
Yumi lain manmeri bilong em na yumi olsem ol sipsip em i save lukautim.+
4 Yumi mas go insait long geit bilong haus bilong em na tok tenkyu long em,+Yumi mas i go long ples bung insait long banis bilong em na preisim em.+
Yumi mas tok tenkyu long em; preisim nem bilong em.+
5 Jehova em i gutpela;+Gutpela pasin laikim* bilong em i save stap oltaim oltaim,Na em i save bihainim tok bilong em inap oltaim oltaim.+
