Buk Song 88:1-18
Singsing bilong ol pikinini man bilong Kora.+ Maskil* bilong Heman+ em man bilong lain Sera. Tok i go long dairekta; singim long nek ol i kolim Mahalat.* Na ol i mas bihainim stail olsem, wanpela lain i singsing na narapela lain i bekim.
88 O Jehova, yu God i save kisim bek mi,+Long san mi save singaut na krai long yu,Na long nait mi save kam long ai bilong yu.+
2 Yu mas harim beten bilong mi,+Na yu mas putim yau long* singaut bilong mi long kisim helpim.+
3 Planti hevi i kamap long mi,+Na klostu laip bilong mi i lus na mi go long Matmat.*+
4 Mi kamap wankain olsem ol man i go daun long matmat;*+I no gat man bilong helpim mi,*+
5 Ol i lusim mi i stap wantaim ol man i dai pinis.
Mi olsem man em narapela i kilim i dai pinis na i stap long matmat,Na yu lusim tingting olgeta long miNa i no inap helpim mi moa.
6 Yu putim mi long hul i daun tru,Na mi stap long ples i tudak tru insait long wanpela bikpela hul i go daunbilo tru.
7 Belhat bilong yu i daunim mi olgeta,+Na yu daunim mi tru long ol bikpela weiv bilong yu i bruk antap long mi. (Selah)
8 Yu mekim na ol man mi save long ol i lusim mi na i stap longwe long mi;+Yu mekim mi i kamap samting nogut tru long ai bilong ol.
Dispela i kalabusim mi na mi no inap ranawe.
9 Mi karim pen na hevi na ai bilong mi i no inap lukluk gut.+
O Jehova, long olgeta de mi save singaut long yu helpim mi;+Mi save apim han na beten long yu.
10 Olsem wanem? Bai yu mekim sampela narakain wok bilong helpim ol man i dai pinis, a?
Na ol man i dai pinis ol inap kirap na litimapim nem bilong yu, a?+ (Selah)
11 Olsem wanem? Ol i save stori long gutpela pasin laikim* bilong yu insait long matmat, a?
Na ol i save stori long pasin bilong yu long bihainim tok promis insait long ples bilong bagarap,* a?
12 Olsem wanem? Ol man i stap long ples i tudak, ol i save long ol narakain wok yu save mekim, a?
Na long ples bilong ol man em ol i lusim tingting long ol, ol i save long stretpela pasin bilong yu, a?+
13 Tasol Jehova, mi save singaut long yu helpim mi,+Long olgeta moning mi save beten long yu.+
14 O Jehova, wai na yu givim baksait long mi?+
Wai na yu haitim pes bilong yu long mi?+
15 Kirap long taim mi yangpela i kam inap nau,Mi bin karim pen na hevi na klostu mi laik i dai;+Yu larim mi karim hevi na dispela i mekim na mi no gat strong moa.
16 Belhat bilong yu i daunim mi;+Ol samting yu mekim bilong pretim mi i bagarapim mi.
17 Long olgeta de ol i raunim mi olsem wara;Ol i mekim save long mi long olgeta hap.*
18 Yu mekim ol pren bilong mi i lusim mi na i stap longwe long mi;+Tudak tasol i stap wantaim mi.
Ol Futnot
^ O, “Lindaun na putim yau long.”
^ O, “mi olsem man i no gat strong.”
^ Hib., “hul.”
^ O, “insait long Abadon.”
^ O ating, “long wankain taim tasol.”
