Lukautim Gut Tingting Bilong Bel!
Lukautim Gut Tingting Bilong Bel!
Kibung Distrik Bilong Ol Witnes Bilong Jehova
AS TOK BILONG FRAIDE
‘Bikpela i Save Lukim Tingting na Laik Bilong Man’—1 SAMUEL 16:7.
AS TOK BILONG SARERE
“Maus i Save Autim Ol Tingting i Pulap Long Bel”—MATYU 12:34.
AS TOK BILONG SANDE
“Yu Mas Wok Strong Tru Long Bihainim Laik Bilong [God]”—1 STORI 28:9.
Baibel i stori long bel inap olsem 1,000 taim. Planti taim Baibel i no toktok long bel tru bilong man, nogat. Taim Baibel i kolim dispela tok bel, dispela i makim tingting na laik bilong man na samting em i pilim long bel.
Bilong wanem yumi mas lukautim gut tingting bilong bel? God i kirapim King Solomon long tok olsem: “Gutpela tingting bilong stiaim laip bilong yu, em i save kamap long tingting [bilong bel] bilong yu . . . Olsem na olgeta taim yu mas was gut tru long tingting bilong yu.” (Sindaun 4:23) Yumi inap kisim gutpela sindaun long nau na wetim gutpela samting bai kamap bihain, sapos yumi lukautim gut tingting bilong bel bilong yumi. Bilong wanem? Long wanem, God i save lukim samting i stap long bel bilong yumi. (1 Samuel 16:7) Pasin i stap “insait” long bel bilong yumi bai makim wanem tingting God i gat long yumi.—1 Pita 3:4.
Olsem wanem yumi inap lukautim gut tingting i stap long bel bilong yumi? Ol bai bekim dispela askim long ol kibung em ol Witnes Bilong Jehova bai mekim long olgeta hap bilong graun kirap long dispela mun. Mipela i amamas long singautim yu long kam long olgeta 3-pela de bilong dispela kibung. a Skul yu kisim long dispela kibung bai helpim yu long mekim ol samting em God Jehova bai amamas long en.—Sindaun 27:11.
[Futnot]
a Bilong save long kibung i kamap long hap bilong yu, plis lukim Web-sait www.ps8318.com. Yu ken toktok wantaim ol Witnes Bilong Jehova long hap bilong yu o raitim pas i go long lain bilong wokim dispela nius.
[Piksa Kredit Lain long pes 32]
Photo on right: Aus dem Fundus der MÜNCHNER OLYMPIAPARK GMBH, München
