Sapos yu gat wanpela bikpela sik na yu mas kisim operesen. Yu bai laik bilip long dokta husat bai mekim operesen, long wanem, laip bilong yu i stap long han bilong em. Ating em i savetingting long skelim hamas operesen em bin mekim gut bipo, a?

Olsem tasol, em i savetingting long skelim gut lotu. Sapos yu insait long wanpela lain lotu, orait laip bilong yu long sait bilong lotu i stap long han bilong ol. Wanem lotu yu stap long en inap makim olsem God bai kisim bek yu o nogat.

Jisas i mekim wanpela stiatok bilong helpim yumi long skelim gut lotu. Em i tok: “Prut bilong diwai bai soim klia olsem diwai i wanem kain.” (Luk 6:44) Olsem, taim yu skelim wanpela lotu, dispela lotu i save kamapim wanem kain prut, olsem pasin? Ol lida bilong dispela lotu i tingim tumas mani? Ol manmeri bilong dispela lotu i save bihainim ol stiatok bilong Baibel long sait bilong woa na stretpela pasin? Yu ting i gat wanpela lotu em yu inap trastim? Mipela i laik singautim yu long skelim ol dispela atikol.