WAS I STAP!
2023: Yia Bilong Bel Hevi na Tingting Planti—Baibel i Tok Wanem?
Long yia 2023, ol samting i kamap long olgeta hap bilong graun i soim klia olsem yumi stap long haptaim em Baibel i kolim olsem “las de.” (2 Timoti 3:1) Lukim hau ol samting i kamap long nau i stret wantaim tok em Baibel i mekim long ol samting bai kamap long taim bilong yumi.
Baibel na ol samting i kamap long olgeta hap
“Harim tok long ol woa i kamap klostu na ol woa i kamap longwe.”—Matyu 24:6.
“Pasin bilong kros na pait i kamap long planti hap bilong graun.” a
Lukim ol atikol “Husat Bai Seivim Ol Man Nating?” na “Ol Gavman Long Graun Olgeta i Spendim Winim 2 Trilion Dola Long Militeri.”
“Ol Guria i kamap long narapela narapela hap.”—Mak 13:8.
“Kirap long 2023, i gat 13 guria we strong bilong en i winim 7 megnitiud i bin kamap long olgeta hap bilong graun, dispela em bikpela namba tru winim olgeta narapela taim bipo.” b
Lukim atikol “Ol Bikpela Graun Guria i Kamap Long Teki na Siria.”
“Ol bikpela sain.”—Luk 21:11.
“Taim bilong graun long i go hat i pinis; nau em taim bilong bikpela hat tru.”—António Guterres, UN sekreteri-jeneral. c
Lukim atikol “Hot Weda Long Graun Olgeta Long Sama Bilong 2023.”
“Ol bikpela hangre.”—Matyu 24:7.
“2023: Narapela yia i givim bikpela hevi long ol man i laik lukautim famili bilong ol long kaikai.” d
“Taim nogut bai kamap na dispela bai givim hatwok long ol man.”—2 Timoti 3:1.
“Namel long 8-pela manmeri long graun, 1-pela i gat hevi bilong tingting.” e
Lukim atikol “Planti Tineja i Kisim Sik Bilong Tingting.”
Wanem samting bai kamap long 2024?
No gat man i save long ol samting bai kamap long 2024. Tasol ol samting i kamap long olgeta hap bilong graun i soim olsem klostu nau Kingdom Bilong God, o gavman i stap long heven, bai kisim ples bilong ol gavman bilong ol man bilong graun na pinisim olgeta hevi we i mekim ol man i wari na tingting planti.—Daniel 2:44; Revelesen 21:4.
Long nau yet, taim yumi wari na tingting planti, yumi ken askim God long helpim yumi. Baibel i tok:
“Taim mi pret, mi bilip strong long yu.”—Buk Song 56:3.
Hau bai yumi soim olsem yumi bilip long God? Mipela i laik singautim yu long kisim sampela save moa long tok promis bilong Baibel long taim bai kamap bihain we bai i no gat pen na hevi. Mekim fri Baibel stadi kos bilong mipela bilong save long hau yu na famili bilong yu inap kisim gutpela sindaun em Baibel i tok promis long en.
a Foreign Affairs, “A World at War: What Is Behind the Global Explosion of Violent Conflict?” by Emma Beals and Peter Salisbury, October 30, 2023.
b Earthquake News, “Year 2023: Number of Major Earthquakes on Course for Record,” May, 2023.
c United Nations, “Secretary-General’s Opening Remarks at Press Conference on Climate,” July 27, 2023.
d World Food Programme, “A Global Food Crisis.”
e World Health Organization, “World Mental Health Day 2023,” October 10, 2023.
Ating Yu Bai Laikim Tu
SAMPELA MOA TOPIK
I Gat Ol Gutpela Samting Bai Kamap Bihain
Bilong wanem ol tok promis i stap long Baibel i narapela kain long ol tok promis bilong ol na ol samting ol i tok bai kamap long bihain?
OL BIKPELA TOK BILONG BAIBEL
Kingdom Bilong God Em Wanem Samting?
Taim Jisas i autim tok, em i skulim ol man long Kingdom Bilong God winim ol narapela tok em i autim. Winim planti handret yia, ol disaipel i beten long dispela Kingdom i mas i kam.
BEKIM BILONG OL ASKIM BILONG BAIBEL
Mi Inap Painim Ol Tok Long Baibel We Inap Mekim Isi Bel
Ol tok bilong Baibel i bin mekim isi bel bilong planti manmeri em ol i karim ol hevi na bel bilong ol i no stap isi.
KIRAP!
Rot Bilong Daunim Presa
Skelim sampela gutpela stiatok we inap helpim yu long karim hevi bilong presa na yu inap daunim tu.
MIPELA OL WITNES
Askim Long Wanpela i Ken Kam Lukim Yu
Kisim bekim bilong wanpela askim bilong Baibel, o kisim sampela save moa long Ol Witnes Bilong Jehova.
