Tipisalema 100:1-5
Miloti yo khensa.
100 Huwelelani hi ntsako mi dzunisa Yehovha, n’wina misava hinkwayo.+
2 Tirhelani Yehovha mi tsakile.+
Tanani emahlweni ka yena mi ri karhi mi ba mikulungwana.
3 Tivani leswaku Yehovha i Xikwembu.+
Hi yena a nga hi endla naswona hi va yena.*+
Hi vanhu vakwe ni tinyimpfu ta madyelo yakwe.+
4 Tanani etigedeni takwe mi ri karhi mi n’wi khensa,+Eswivaveni* swakwe mi ri karhi mi n’wi dzunisa.+
N’wi khenseni; dzunisani vito rakwe.+
5 Hikuva Yehovha hi lonene;+Rirhandzu rakwe lerikulu a ri heli,Ni ku tshembeka kakwe eka switukulwana hinkwaswo.+
