Tipisalema 103:1-22
Pisalema ya Davhida.
103 Ndzi ta dzunisa Yehovha;Ndzi ta dzunisa vito rakwe ro kwetsima hi mbilu ya mina hinkwayo.
2 Ndzi ta dzunisa Yehovha;Onge ndzi nga tshama ndzi tsundzuka hinkwaswo leswi a swi endleke.+
3 U rivalela swidyoho swa wena hinkwaswo+Naswona u horisa mavabyi ya wena hinkwawo;+
4 U ponisa vutomi bya wena emugodini*+
Naswona u ku ambexa harhi ya rirhandzu ni tintswalo.+
5 U endla leswaku u tiphina hi swilo leswinene + vutomi bya wena hinkwabyo,Leswaku u tshama u ri ni matimba ya vuntshwa ku fana ni gama.+
6 Yehovha u endla leswinene+ ni leswi lulamekeEka vanhu hinkwavo lava tshikileriwaka.+
7 U tivise Muxe tindlela takwe,+Ni vana va Israyele mitirho yakwe.+
8 Yehovha u ni tintswalo ni ntwelavusiwana,*+U hlwela ku hlundzuka naswona u ni rirhandzu.+
9 A nga tshameli ku kuma xihoxo,+Kumbe a tshama a hlundzukile hilaha ku nga heriki.+
10 A nga hi khomanga hi ku ya hi swidyoho swa hina,+Kumbe ku hi xupula hi ku ya hi swihoxo swa hina.+
11 Hikuva tanihi leswi matilo ma tlakukeke ku tlula misava,Rirhandzu rakwe eka lava n’wi chavaka i rikulu swinene.+
12 Tanihi leswi vuxa byi nga ekule ni vupeladyambu,Ni swidyoho swa hina u swi veke ekule na hina.+
13 Hi laha tatana a nga ni tintswalo eka vana vakwe,Yehovha u va kombe tintswalo lava n’wi chavaka.+
14 Hikuva u yi tiva kahle ndlela leyi hi vumbiweke ha yona,+Wa tsundzuka leswaku hi ntshuri.+
15 Loko ku ri munhu, masiku yakwe ma fana ni ya byanyi;+U rhumbuka ku fana ni xiluva xa nhova.+
16 Kambe loko xi biwa hi moya, xa fa,Onge hiloko xi nga si tshama xi va kona.
17 Kambe rirhandzu ra Yehovha i ra hilaha ku nga herikiEka lava n’wi chavaka,+Ku lulama ka yena i ka hilaha ku nga heriki eka vatukulu va vona,+
18 Eka lava nga wu rivaliki ntwanano wakwe+Ni lava yingisaka swileriso swakwe.
19 Yehovha u simeke xiluvelo xakwe xi tiya ematilweni;+Naswona u fuma swilo hinkwaswo.+
20 Dzunisani Yehovha, n’wina tintsumi takwe+ hinkwato leti nga ni matimba lamakulu,Leti yingisaka rito rakwe+ ni ku endla leswi a ti lerisaka swona.
21 Dzunisani Yehovha, n’wina mavuthu yakwe hinkwawo,+N’wina lava n’wi tirhelaka, lava endlaka ku rhandza ka yena.+
22 Dzunisani Yehovha n’wina swivumbiwa swakwe hinkwaswo,Etindhawini takwe hinkwato leti a ti fumaka.
Ndzi ta dzunisa Yehovha hi mbilu ya mina hinkwayo.
