Tipisalema 126:1-6

  • Ntsako lowu veke kona loko ku tlheriseriwa vanhu eSiyoni

    • “Yehovha u hi endlele swilo swo hlamarisa” (3)

    • Ku rila ku siviwa hi ku tsaka (5, 6)

Risimu Ra Lava Tlhandlukaka. 126  Loko Yehovha a hlengeleta mahlonga a ma tlherisela eSiyoni+ A hi twa onge ho lorha.  2  Hi nkarhi wolowo a hi tsake ngopfu,Hi ba ni mikulungwana.+ Hi nkarhi wolowo vanhu vamatiko va byelane va ku: “Yehovha u va endlele swilo swo hlamarisa.”+  3  Yehovha u hi endlele swilo swo hlamarisa+Hi tsake ngopfu.  4  Yehovha, vuyisa mahlonga ya hinaKu fana ni swinambyana swa le Negebu.  5  Lava byalaka mbewu va ri karhi va rilaVa ta tshovela va ri karhi va ba nkulungwana.  6  Loyi a fambaka a ri karhi a rila,A rhwale nkwama wakwe wa mbewu,U ta vuya a ri karhi a ba nkulungwana,+A rhwele tinyandza takwe.+

Tinhlamuselo ta le hansi

VUHUNDZULUXERI BYA MISAVA LEYINTSHWA BYA MATSALWA YO KWETSIMA (NKANDZIYISO LOWU PFUXETIWEKE WA 2020 )
Tipisalema 126
Xitsonga
Hlaya Bibele Eka Website Leyi
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt tl. 40