Hi Ravuntlhanu, February 24, 2023, se swi ta va swi endla lembe nyimpi ya le Ukraine yi sungurile. Swiviko swin’wana swi vula leswaku masocha ya le Ukraine ni ya le Rhaxiya ya kwalomu ka 300 000 ma dlayiwile kumbe ku vaviseka naswona ku ehleketiwa leswaku nyimpi yi dlaye vaakatiko va kwalomu ka 30 000. Hambiswiritano, swi nga endleka nhlayo ya kona yi tlakuke ngopfu.

 Lexi twisaka ku vava, a swi tikombi nyimpi leyi yi ta hela sweswi.

•   “Se swi lava ku endla lembe masocha ya le Rhaxiya ma nghene eUkraine naswona a ku na leswi kombisaka leswaku nyimpi yi ta hela sweswi. A swi tikombi ku ri na tlhelo ro karhi leri nga ta hlula enyimpini leyi eka matiko lamambirhi naswona swi vonaka swi nga ta koteka leswaku havumbirhi bya wona ma kuma xitshunxo lexi ma nga ta pfumelelana ha xona.”—NPR (National Public Radio), February 19, 2023.

 Vanhu vo tala va twa ku vava hikwalaho ka maxangu ni ku xaniseka loku nyimpi leyi ni tin’wana ti ku vangaka eka vanhu lava nga riki na nandzu emisaveni hinkwayo. Bibele yi hi nyika ntshembo wihi? Xana tinyimpi ti ta kala ti hela?

 Bibele yi vulavula hi nyimpi leyi nga ta ponisa vanhu, ku nga ri ku va herisa. Nyimpi yoleyo i Armagedoni naswona yi hlamuseriwa tanihi “nyimpi ya siku lerikulu ra Xikwembu xa Matimba Hinkwawo.” (Nhlavutelo 16:14, 16) Xikwembu xi ta tirhisa nyimpi yoleyo leswaku xi herisa vulawuri bya vanhu, lebyi vangeke tinyimpi to tala leti onhetelaka. Leswaku u dyondza hi ku rhula loku nga heriki loku nga ta tisiwa hi Armagedoni, hlaya tinhlokomhaka leti landzelaka:

•   “I Yini Nyimpi Ya Armagedoni?”

•   “Armagedoni Yi Hi Khomele Mahungu Yo Tsakisa!”