Ku Gandzela
I mani loyi hi faneleke hi n’wi gandzela ntsena?
Eks 34:14; Dt 5:8-10; Esa 42:8
Swikombiso swa le Bibeleni leswi nga hi pfunaka:
Mt 4:8-10—Sathana u tshembise Yesu mimfumo hinkwayo ya misava loko o n’wi gandzela; Yesu a nga pfumelanga naswona a a tiyimisele ku gandzela Yehovha ntsena
Nhl 19:9, 10—Ntsumi ya matimba yi ale leswaku muapostola Yohane a yi gandzela
Yehovha u lava leswaku hi n’wi gandzela njhani?
Swikombiso swa le Bibeleni leswi nga hi pfunaka:
Esa 1:10-17—Yehovha a nga byi amukeli vugandzeri lebyi humaka etimbilwini ta vanhu lava hlawulaka ku nga hanyi hi milawu yakwe
Mt 15:1-11—Yesu u kombise leswaku Yehovha a nga swi lavi leswaku vugandzeri bya hina byi sekeriwa eka mindhavuko ya vanhu kambe eka milawu ya Xikwembu
I vamani lava hi fanele hi gandzela Yehovha na vona loko swi koteka?
Nakambe vona Ps 133:1-3
Swikombiso swa le Bibeleni leswi nga hi pfunaka:
Mi 2:40-42—Vakreste vo sungula a va hlengeletana leswaku va khongela, va heta nkarhi va ri swin’we ni ku hlaya tidyondzo leti huhuteriweke hi moya lowo kwetsima
1Ko 14:26-40—Muapostola Pawulo u lerise leswaku tinhlengeletano ta vandlha ti fanele ti hleleka ti tlhela ti khutaza leswaku hinkwavo va dyondza ni ku twisisa leswi dyondzisiwaka
Hi fanele hi endla yini leswaku vugandzeri bya hina byi ta amukeleka eka Yehovha?
Swikombiso swa le Bibeleni leswi nga hi pfunaka:
Hv 11:6—Muapostola Pawulo u vule leswaku ripfumelo i ra nkoka loko hi lava leswaku vugandzeri bya hina byi amukeleka eka Yehovha
Yk 2:14-17, 24-26—Yakobo, makwavo wa Yesu, u vule leswaku ripfumelo ra hina ri fanele ri vonaka hi mitirho; ripfumelo ra hina ri hi susumetela ku endla swo karhi
U Nga Ha Tsakela
SWIVUTISO LESWI HLAMURIWAKA HI BIBELE
Xana I Swa Nkoka Ku Va Eka Vukhongeri Byo Karhi?
Xana munhu a nga gandzela Xikwembu a ri yexe?
ESSENTIAL BIBLE TEACHINGS
Xana Xikwembu Xi Amukela Vukhongeri Hinkwabyo?
Vanhu vo tala va vula leswaku a swi na mhaka leswaku u hlawula vukhongeri byihi.
MALUNGHANA NA HINA
Kombela Ku Endzeriwa Hi Timbhoni Ta Yehovha
Kombela ku endzeriwa hi Timbhoni ta Yehovha leswaku ti ta dyondza na wena Bibele kumbe u tirhisa progreme ya hina yo dyondza Bibele.
